Apellyasiya Məhkəməsi jurnalist Əziz Orucovun həbs müddətinin uzadılmasından verilmiş şikayəti təmin etməyib
Bakı/09.09.17/Turan: Bu gün Bakı Apellyasiya Məhkəməsi "Kanal 13" internet televiziyasının direktoru Əziz Orucov barəsində həbs qətimkan tədbirinin uzadılmasından verilmiş şikayəti təmin etməyib. Bu barədə onun vəkili Cavad Cavadov bildirib.
Müdafiə tərəfi jurnalistin həbsdə saxlanmasını əsassız, ona qarşı irəli sürülmüş ittihamları isə saxta hesab edir.
Avqustun 29-da Nəsimi rayon məhkəməsi Orucovun həbs müddətini dekabrın 17-nə qədər uzadıb.
Sentyabrın 6-da prokurorluq müdafiə tərəf ibtidai istintaqın yekunlaşdığını bildirib.
Orucov mayın 2-də polisə tabe olmama ittihamı ilə inzibati qaydada 30 gün müddətinə həbs olunub. Bu müddət bitdikdən sonra ona qarşı CM-in 192.2.2 (böyük gəlir əldə etməklə qanunsuz sahibkarlıq) və 308.2-ci (vəzifə səlahiyyətlərindən sui-istifadə, ağır nəticələrə səbəb olduqda) maddələri ilə cinayət ittihamları irəli sürülüb.
Orucova qarşı iş onlarla QHT-yə qarşı hələ 2014-cü ilin yazında başlamış ümumi işdən ayrıca icraata ayrılıb.
Jurnalist ittihamları təkzib edib. Hüquq müdafiəçiləri onu siyasi məhbus kimi tanıyıb. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz