Cümə günü Bakı Apellyasiya Məhkəməsində Lamiyə Quliyevanın işi üzrə proses keçirilib.
L.Quliyeva 2003-cü ildə 10 il müddətinə azadlıqdan məhrum edilib. O, Şəmkir Rayon İcra Hakimiyyətinin keçmiş başçısı Aslan Aslanovun oğlunun qətlində təqsirli bilinib.
Real həbs müddəti 2013-cü ildə başa çatıb. Lakin 2012-ci ildə onun barəsində yeni hökm çıxarılıb - CM-in 317.2-ci maddəsi (cəzaçəkmə müəssisəsinin və ya istintaq təcridxanasının normal fəaliyyətini pozma) ilə 5 il 6 ay müddətinə azadlıqdan məhrum edilib.
Beləliklə, L.Quliyevanın ümumi həbs müddəti 15 il yarım təşkil edib.
Apellyasiya şikayətinə baxılması L.Quliyevanın barəsində “olduqca sərt cəza” çıxarılması ilə bağlı prokurorluğun etirazı üzrə vaş tutub.
Halbuki,vaxtilə məhz prokurorluq L.Quliyeva həbsdəykən onun təkrar cəzalandırılmasını istəmişdi.
Bu gün Apellyasiya Məhkəməsi L.Quliyevanın cəzasını çəkdiyini nəzərə alaraq onu məhkəmə zalında azad edib.
L.Quliyeva həbsxanada zorlamaya məruz qalması və sonra uşaq dünyaya gətirməsi barədə xəbərlər yayıldıqdan sonra ictimaiyyətin diqqət mərkəzində olub. KİV-də belə fikirlər yayılıb ki, zorlama 2003-cü ildə L.Quliyevanı zorlayan və buna görə öldürülən Ruslan Aslanovun atası Aslan Aslanovun ondan qisas almasıdır.
Hüquq-mühafisə orqanları uşağın doğulması faktını inkar etməyə və gizlətməyə çalışaraq həbsdə zorlamanın mümkünlüyünü inkar ediblər. Bu işdə onlara bəzi jurnalistlər və hüquq müdafiəçiləri də fəal yardım göstəriblər. Eyni zamanda heç kim açıqlama vermir ki, ərdə olmayan qadın təcridxanada necə uşaq dünyaya gətirə bilər.
Lakin yuxarıların göstərişini yerinə yetirənlərdən biri koloniyada süni mayalanma əməliyyatının olduğunu bildirib.
Lakin L.Quliyeva özü bu cəfəngiyyatı inkar edərək adi yolla hamilə qaldığını bildirib.—03С06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz