![ATƏT-in Minsk qrupu həmsədrlərinin bəyanatı](https://turan.az/resized/media/2015/main/022000107345-750-500-resize.webp)
ATƏT-in Minsk qrupu həmsədrlərinin bəyanatı
ATƏT-in Minsk Qrupunun həmsədrləri İqor Popov (Rusiya), Ceyms Uorlik (ABŞ), Pyer Andrie (Fransa) 16-19 fevral tarixlərində regiona səfərlərindən sonra məlumat yayıblar. Səfərdə ATƏT-in fəaliyyətdə olan sədrinin şəxsi nümayəndəsi Andjey Kasprşik də iştirak edib.
Səfərin yekunlarına görə həmsədrlərin yaydıqları bəyanatda deyilir ki, yanvarda gərginliyin təhlükəli dərəcədə artmasından sonra səfərin əsas məqsədi tərəfləri atəşkəs rejiminə riayət etməyə çağırmaq idi.
Səfər çərçivəsində həmsədrlər Ermənistan, Azərbaycan rəhbərliyi, həmçinin Dağlıq Qarabağın de-fakto hakimiyyəti ilə görüşlər keçiriblər.
“Minsk vasitəçiləri ilə görüşləri zamanı tərəflər Dağlıq Qarabağ münaqişəsinin dinc yolla tənzimlənməsinə sadiq olduqlarını təsdiq ediblər. Prezidentlər həmçinin həmsədrlərin atəşkəs rejimini möhkəmləndirə biləcək təkliflərinə baxmaq barədə razılıq əldə ediblər”, deyə bəyanatda qeyd edilir.
Həmsədrlər prezidentlər və xarici işlər nazirləri ilə münaqişənin tənzimlənməsi üzrə gələcək addımları və bu ildə prezidentlərin görüşünün təşkilinə hazırlığı müzakirə ediblər.
Vasitəçilər həmçinin Beynəlxalq Qırmızı Xaç Komitəsinin nümayəndələri ilə görüşüblər, itkin düşmüşlərlə bağlı məsələləri müzakirə ediblər.
Həmsədrlər iki ölkə prezidentinin 2014-cü ilin oktyabrında Parisdə əldə etdikləri itkin düşmüşlər haqqında məlumat mübadiləsi haqqında razılığın əhəmiyyətini vurğulayıblar. -02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz