“18 fevral 2015-ci ildə Rusiya FTX-nin direktoru, Milli Antiterror Komitəsinin sədri A.V.Bortnikov Amerika tərəfin dəvəti ilə Vaşinqton şəhərinə (ABŞ) gedib. Rusiya Federasiyasının Prezidenti V.V.Putinin tapşırığı ilə o, Zorakı ekstremizmə qarşı mübarizə Sammitində (18-19 fevral 2015) Rusiyanın idarələrarası nümayəndə heyətinə rəhbərlik edir”, bu barədə FTX-nin saytı məlumat yayıb.
Açıq məlumatlardan göründüyü kimi, Bortnikovun səfəri əvvəlcədən nəzərdə tutulmayıb və son anda uzadılıb.
“Ruslar viza və sənədləşmə ilə bağlı kömək istəyiblər, çünki onlar nümayəndə heyəti iştirakçılarının heyətini dəyişdirməyi qərara alıblar”, deyə Dövlət Departamentinin mətbuat katibi Cennifer Psaki bildirib.
“Rusiya dəvət edilmişdi. Hesab edirəm ki, biz hər bir ölkəyə öz nümayəndə heyətini müəyyən etmək hüququ vermişik”, deyə o əlavə edib.
Amma Psakinin Moskvanın son anda Bortnikovu daxil etmək üçün nümayəndə heyətini genişləndirməsinin səbəbi ilə bağlı izahatı yox idi.
Daha sora AFP bildirir ki, Rusiya nümayəndə heyəti ABŞ dövlət katibi Con Kerrinin dəvəti ilə xarici döyüşçülər məsələsi ilə bağlı müşavirədə iştirak edib.
Bortnikovun səfərinin əhəmiyyətini ABŞ-ın Aİ-nin ona qarşı sanksiyalarına məhəl qoymaması faktı sübut edir.
“Bortnikov Aİ-nin Ukraynada rusyönlü qiyamçılara dəstəklə bağlı tətbiq etdiyi sanksiyalara məruz qalıb, amma o, ABŞ-ın hər-hansı sanksiyasına məruz qalmayıb”, deyə Psaki qeyd edib.
Güclü kəşfiyyat agentliyinə rəhbərlik edən Aleksandr Bortnikov ən yüksək səviyyəli rus məmurlarından biridir və onun Vaşinqtona səfəri Şərqi Ukraynada münaqişə ilə əlaqədar iki ölkə arasında gərginliyin artdığı bir anda baş verib, deyə AFP qeyd edir.
“Bizim birgə işlədiyimiz bir sıra məsələlər var. Əlbəttə, bizim ciddi fikir ayrılıqlarımız da var, Ukrayna məsələsində olduğu kimi”, deyə Psaki bildirib.
Səfər başa çatdıqdan sonra Aleksandr Bortnikov jurnalistlərə bildirib ki, onun Vaşinqtona səfəri həm peşəkar, həm də siyasi xarakter daşıyırdı. “Mənim və həmkarlarımızın malik olduğumuz imkanlardan istifadə etmədən siyasi problemləri həll etmək olmaz. Bu, baş verənlərə müsbət təsir göstərməyin əsasında duran çox mühüm aspektdir”, deyə RİA-Novosti Bortnikovdan sitat gətirir.
Bortnikovun Vladimir Putinin şəxsi nümayəndəsi qismində ABŞ-da olduğunu təxmin etmək çətin deyil. Vaşinqtona səfər haqqında qərar fevralın 18-də - Ukrayna prezidenti Poroşenko öz qoşunlarına Debaltsevonu tərk etmək əmri verdiyi tarixdə qəbul edilib.
Ən yüksək səviyyədə belə məxfi Amerika-Rusiya məsləhətləşmələrinin başlanması Vaşinqton və Moskvanın qarşılıqlı maraqların təmin edilməsi üzrə məsləhətləşmələrə başladığını göstərir. Bu, Kremlin antiböhran siyasəti prizmasından təmin ediləcək, deyə Turan qeyd edir. -0-
Dünyada
-
Prezident Vladimir Putin cümə axşamı deyib ki, Ukrayna sülh şansının olması üçün neytral qalmalıdır və əlavə edib ki, Ukraynanın sərhədləri Rusiyanın iddia etdiyi ərazidə yaşayan insanların istəklərinə uyğun olmalıdır. “Əgər neytrallıq olmasa, o zaman Rusiya ilə Ukrayna arasında hər hansı mehriban qonşuluq münasibətlərinin mövcudluğunu təsəvvür etmək çətindir”, - Putin deyib.
-
Ən böyük silah ixracatçısı Cənubi Koreya Ukraynaya birbaşa silah satışını istisna etmir, - deyə Prezident Yun Suk El cümə axşamı günü Seulun məsələ ilə bağlı mövqeyində mümkün dəyişikliyə işarə edərək deyib.
-
Noyabrın 6-da Ukrayna qüvvələri Xəzər dənizində yerləşən Rusiya hərbi gəmilərinə misilsiz hücum həyata keçirib. Bu, Kiyevin uzaq məsafəli zərbə qabiliyyətini genişləndirməsinin növbəti nümayişi olub. Ukraynanın Strateji Kommunikasiyalar və İnformasiya Təhlükəsizliyi Mərkəzi hücumun görüntülərini sosial şəbəkələrdə yayımlayaraq Ukrayna qüvvələrinin “zərbə zonasını” genişləndirərək Kaspiyskdəki Rusiya Xəzər Donanmasını hədəf aldığını elan edib. Kaspiysk liman şəhəri, aktiv cəbhə xəttindən yüzlərlə mil uzaqlıqda yerləşir.
-
Ukraynanın paytaxtı Kiyevdə bir gecədə vurulan Rusiya pilotsuz uçuş aparatlarının qəlpələri azı iki nəfəri yaralayıb və bir neçə binaya ziyan vurub, bu barədə cümə axşamı şəhər rəhbərliyi məlumat yayıb.
Rəy yaz