Apellyasiya Məhkəməsi Möhyəddin Orucovu həbsdə saxlayıb
Bakı/22.12.23/Turan: Bu gün Bakı Apellyasiya Məhkəməsi ictimai fəal Möhyəddin Orucovun həbsindən verilmiş şikayəti təmin etməyib.
Dekabrın 15-də Orucov külli miqdarda narkotik vasitələrin qanunsuz dövriyyəsində ittiham olunaraq, dörd ay müddətinə həbs edilib. Oktyabrda Orucov 30 gün müddətinə həbs edilib və azadlığa çıxdıqdan sonra polis bölməsində məruz qaldığı fiziki və mənəvi təzyiq faytlarını ictimailəşdirib.
Məhkəmə iclasında fəal telefon zəngi hüququndan məhrum edilməsindən şikayət edib, bu barədə jurnalistlərə vəkil Nazim Musayev bildirib. Onun sözlərinə görə, bu məhdudiyyəti yalnız istintaq orqanı tətbiq edə bilər. Lakin müstəntiq vəkilə belə bir qərar qəbul etmədiyini bildirib. Bununla belə, İstintaq Təcridxanasında Orucova hüquqlarının məhdudlaşdırıldığını bildiriblər.
Vəkil İstintaq Təcridxanasına gedib Orucovun telefon danışığı hüququndan məhrum edilməsinin səbəblərini yerində araşdırmaq niyyətindədir.
Fəalın anası Təranə Orucova jurnalistlərə oğlunun saxlanıldıqdan sonra bir dəfə belə zəng etmədiyini təsdiq edib.
"Onunla bircə dəfə dekabrın 15-də, məhkəmədən aparılarkən əlaqə saxlaya bilmişik", deyə anası bildirib. Oğlum anasının həbsi və evlərində külli miqdarda narkotik "tapmaqla" şantaj olunduğunu, buna görə etirafedici ifadə vermək məcburiyyətində olduğunu söyləməyə müvəffəq olub.
Orucov son bir ayda həbs olunmuş 12 fəal və jurnalistdən biridir. Avropa İttifaqı və ABŞ Dövlət Departamenti də daxil olmaqla, beynəlxalq qurumlar Azərbaycan hakimiyyətini onları azad etməyə çağırıb. 06В
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz