Apellyasiya Məhkəməsi Mövsüm Səmədovun qapalı həbsxanaya köçürülməsi barədə qərarı qüvvədə saxlayıb
Bu gün Bakı Apellyasiya Məhkəməsi İslam Partiyasının lideri Mövsüm Səmədovun 2 il müddətinə Qobustan qapalı həbsxanasına köçürülməsi barədə apellyasiya şikayətini təmin etməyib.
Qeyd edək ki, M.Səmədovun saxlanma şəraitinin sərtləşdirilməsi onun intizam qaydalarını pozması və dövlət əmlakına zərər vurması ilə əsaslandırılıb. Belə ki, o, karserdə yorğanı yerə salaraq üzərində namaz qılıb.
Müdafiə tərəfinin fikrincə, M.Səmədovun cəsalandırılmasının əsl səbəbi onun təsiri ilə məhbusların arasında dindarların sayının artmasıdır.
*Mövsüm Səmədov Partiya Məclisində Azərbaycan hakimiyyətini kəskin tənqid etdikdən beş gün sonra - 2011-ci il yanvarın 7-də həbs edilib. Oktyabrın 7-də M.Səmədov, daha 6 AİP fəalı və ilahiyyatçı hakimiyyəti ələ keçirməyə cəhd, qanunsuz silah saxlamaq və digər cinayətlərdə ittiham olunaraq uzunmüddətli həbs cəzalarına məhkum ediliblər. M.Səmədov 12 il cəza alıb. Avropa İnsan Hüquqları Məhkəməsi onun işi üzrə kommunikasiyaya başlayıb. -16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz