Bakı/07.04.18/Turan: Bu gün Bakı Apellyasiya Məhkəməsi Nardaran işi - 3" üzrə həbs edilənlər barəsində hökmü qüvvədə saxlayıb. Bu zaman ilahiyyatçı Zülfüqar Mikayılovun cəzası ağırlaşdırılaraq, "ciddi" rejim "xüsusi" rejimlə əvəz olunub.
Maraqlıdır ki, birinci instansiya məhkəməsi cəzanın ciddi rejimli cəzaçəkmə müəssisəsində çəkilməsi haqqında qərar çıxarıb, amma hökmdə xüsusi rejim qeyd edilib.
Vəkil Şəhla Hümbətovanın vəsatəti əsasında bu pozuntu aprelin 7-də Bakı Apellyasiya Məhkəməsi tərəfindən aradan qaldırılıb. Hakim Sahibxan Mirzəyev Mikayılovun cəzasını xüsusi rejimli cəzaçəkmə müəssisəsində çəkməsi haqqında qərarı ləğv edib.
Amma bu gün elə həmin hakim Mikayılovun xüsusi rejimli cəzaçəkmə müəssisəsinə salınması haqqında qərar qəbul edib.
Vəkil Şəhla Hümbətova bunu qanunsuz adlandırıb. Çünki prokurorun protesti və zərərçəkmiş tərəfin şikayəti yoxdursa, cəza ağırlaşdırıla bilməz. Müdafiə tərəfi kassasiya şikayəti verəcək.
Qeyd edək ki, Mikayılov 17 il müddətinə azadlıqdan məhrum edilib.
Bu iş üzrə təqsirləndirilən şəxslər 2015-ci il noyabrın 26-da Nardaran qəsəbəsində xüsusi əməliyyatdan sonra həbs ediliblər. Həmin vaxt polis "Müsəlman Birliyi" hərəkatının lideri Taleh Bağırzadəni və onun bir qrup tərəfdarını saxlayıb.
Həbs edilənlər Bağırzadənin təşkil etdiyi cinayətkar birlikdə iştirak etməkdə ittiham olunurdular. Onlara qarşı CM-in on maddəsi ilə: terrorizm, qanunsuz silah saxlama, konstitusiya dövlət quruluşunu zorla dəyişdirməyə cəhd, polisə müqavimət və s. ittihamlar irəli sürülüb.
Müttəhimlər özlərini təqsirli bilməyiblər və məhkəmədə DİN-in Mütəşəkkil Cinayətkarlığa qarşı Mübarizə Baş İdarəsində məruz qaldıqları işgəncələr barədə danışıblar.
2017-ci il dekabrın 6-da Bakı Ağır Cinayətlər Məhkəməsi ilahiyyatçı Zülfüqar Mikayılovu 17 il, Ruzi İsmayılvovu və Cabir Əliyevi 16 il, Ramil Seyfullayevi, Mübariz İbrahimovu 15 il, Elxan Həsənovu 14 il, Faiq Allahverdiyevi, Mehman Quliyevi, Elman Ağayevi 13 il, Əli Hüseynovu, Mehman Məmmədovu, Eldar Bünyatovu 12 il 3 ay müddətinə azadlıqdan məhrum edib. -06D-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz