![Apellyasiya Məhkəməsi Rauf Mirqədirovun vəkilinin vəsatətlərini təmin etməyib (yenilənib)](https://turan.az/resized/750/500/resize/media/2016/main/021800147326.jpg)
Apellyasiya Məhkəməsi Rauf Mirqədirovun vəkilinin vəsatətlərini təmin etməyib (yenilənib)
Bakı Apellyasiya Məhkəməsində jurnalist Rauf Mirqədirovun işi üzrə iclasda müdafiə tərəfinin 4 vəsatəti təmin olunmayıb.
Fevralın 18-də Bakı Apellyasiya Məhkəməsində hakim Abid Abdinbəyovun sədrliyi ilə məhkəmə dinləmələri qapalı rejimdə keçirilib.
Vəkil Fuad Ağayev jurnalistlərə bildirib ki, o, cinayət işinin dayandırılması, həbs qətimkan tədbirinin dəyişdirilməsi, yolverilməz sübutların çıxarılması, işə yeni sübutların daxil edilməsi barədə vəsatətlər qaldırıb. Vəsatətlər təmin edilməyib.
Məhkəmə qərara alıb ki, əgər şikayətə baxılması zamanı zərurət yaranarsa məhkəmə istintaqı yenilənə bilər.
Vəkil qeyd edib ki, müdafiə tərəfi qismən təkrar məhkəmə istintaqına təkid edib ki, R.Mirqədirovun işində cinayət hadisəsinin olmadığı bir daha bəlli olsun.
Vəkil prosesin qapalı rejimdə keçirilməsini əsassız hesab edir, cünki işdə dövlət sirrini pozacaq heç bir şey yoxdur.
Müdafiə tərəfinin Apellyasiya Məhkəməsinin qərarından Ali Məhkəməyə kassasiya şikayətinin verib-verməyəcəyi barədə sualın cavabında F.Ağayev deyib ki, bu məsələni R.Mirqədirovun özü ilə müzakirə edəcək.
Vəkil R.Mirqədirovun səhhəti ilə bağlı deyib ki, həbsdən sonra səhhətində yaranmış problemlər hələ də qalır. Jurnalistin təzyiqi yüksəkdir. Beyin qan dövranının pozulması ilə bağlı müalicə alır, görmə qabiliyyəti pozulub.
Şikayətə mahiyyəti üzrə baxılması 3 mart saat 15:00-a təyin edilib.
Xatırladaq ki, jurnalist 2014-cü il aprelin 19-da Ermənistanın xeyrinə casusluqda ittiham olunaraq 6 il azadlıqdan məhrum edilib. Hüquq müdafiəçiləri R.Mirqədirovu siyasi məhbus hesab edirlər.-—06C--
* * *
Bu gün Bakı Apellyasiya Məhkəməsində hakim Abid Abdinbəyovun sədrliyi ilə Rauf Mirqədirovun şikayətinə baxılıb. Şikayət Bakı Ağır Cinayətlər Məhkəməsinin hökmündən verilib.
Turan-ın müxbiri bildirib ki, proses qapalı rejimdə keçirilib. 4 vəsatət qaldırılıb, lakin onların heç biri təmin olunmayıb.
Növbəti məhkəmə prosesi martın 3-ə təyin edilib.
R.Mirqədirov Cinayət Məcəlləsinin 274-cü (dövlətə xəyanət) maddəsilə ittiham olunaraq 6 il müddətinə azadlıqdan məhrum edilib. Jurnalist ciddi rejimli koloniyada cəza çəkir.-16/06D-
-
- İqtisadiyyat
- 18 Fevral 2016 15:38
-
- Siyasət
- 18 Fevral 2016 18:29
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz