İlin əvvəli üçün «Zaminbank» ASC-nin kredit portfeli 304,17 mln manat (mənfi 4,9%) olub. İstehlak kreditləri daha çox (mənfi 12% - 191 mln 247 min manatadək) azalıb.
Bankdan verilən məlumata görə, aktivlər cüzi (mənfi 3,6% - 484 mln 263 min manatadək) azalıb. Bankın öhdəlikləri 1 yanvar üçün 414 mln 217 min manat (mənfi 4,1%) olub.
Depozitlər 87,04 mln manatadək (mənfi 17,8%) azalıb, əhalinin əmanətləri 81,55 mln manat (mənfi 17,3%) təşkil edib.
Bankın xüsusi kapitalı 0,2% azalaraq 56 mln 248,74 min manat, nizamnamə kapitalı 52 mln 181,8 min manat olub.
Bank ötən ili 67 min manat ziyanla başa vurub.
«Zaminbank» ASC 1992-ci ildə yaradılıb. Əsas səhmdarı Nadir İsmayılovdur (98,544%). Qardaşı Mahir 1,45% paya malikdir. Qalan səhmlər Mileşkinanındır. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz