Bakı/22.08.17/Turan: Çərşənbə axşamı Bakı Apellyasiya Məhkəməsi Xalq Cəbhəsi Partiyasının fəalı Ruslan Qaranın 20 sutka inzibati həbsi barədə qərarı qüvvədə saxlayıb.
Vəkil Əsabəli Mustafayev Turan-a bildirib ki, obyektiv məhkəmə çəkişməsi aparılmayıb.
O qeyd edib ki, son ildə R.Qara üç dəfə inzibati həbsə məruz qalıb və yerli məhkəmələr onun şikayətlərini təmin etməyiblər.
R.Qara Avropa İnsan Hüquqları Məhkəməsinə müraciət etmək niyyətindədir. O, hüquqlarının pozulmasının tanınmasını və ona kompensasiya ödənilməsini xahiş edəcək.
R.Qara avqustun 11-də gənc fəalların görüşündə iştirakdan sonra həbs olunub. Görüşdə siyasi məhbusların müdafiəsi ilə bağlı etiraz aksiyalarının keçirilməsi məsələsi müzakirə olunub. O, sosial şəbəkələrdə və İnternetdə bu mövzuda statuslar dərc edib. -06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz