Seymur Həzi
Bakı/28.10.19/Turan: Oktyabrın 28-də Bakı Apellyasiya Məhkəməsi Xalq Cəbhəsi Partiyasının məşhur fəalı, jurnalist Seymur Həzinin şikayətini təmin etməyib. Fəal Xətai rayon məhkəməsinin onun inzibati həbsi barədə qərarını ləğv etməyi xahiş edirdi.
Xatırladaq ki, jurnalist oktyabrın 17-də kiçik xuliqanlıq ittihamı ilə 15 gün müddətinə həbs edilib. Guya o, küçədə yüksək səslə söyüş söyüb və polisin tələblərinə məhəl qoymayıb. O, hakimiyyətin 19 oktyabr mitinqi ərəfəsində zərərsizləşdirdiyi fəallar arasında idi.
Xatırladaq ki, Seymur Həzi Azərbaycanda məşhur siyasi məhbuslardan biri olub. O, 2014-cü ildə xuliqanlıq və adam döymə ittihamı ilə həbs edilib və 5 il müddətinə azadlıqdan məhrum edilib. O, cari ilin avqustunda azadlığa çıxıb. -16D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz