Apellyasiya Məhkəməsi siyasi mühacirin qohumunu həbsdən buraxmayıb
Bu gün Bakı Apellyasiya Məhkəməsi siyasi mühacir Orduxan Teymurxanın bacısı oğlu Səbuhi Zeynalovun həbsilə bağlı şikayəti təmin etməyib.
S.Zeynalov digər 12 qohumu ilə birlikdə qadınlar və uşaqlar da daxil olmaqla, fevralın 18-də Suraxanı Rayon Polis İdarəsinin əməkdaşları tərəfindən saxlanılıb. Növbəti gün qadınları buraxıblar, ancaq fevralın 20-də S.Zeynalovu və siyasi mühacirin qardaşı Xanlar Dadaşovu polisə tabe olmamaq ittihamı ilə 30 sutka həbs ediblər.
İclas zamanı vəkil Elçin Sadıqov ittihamın saxtalaşdırıldığını bildirib.
Polis bildirib ki, fevralın 19-da S.Zeynalov və X.Dadaşov pasport rejiminin yoxlanması zamanı polisə tabe olmayıblar.
Lakin sözügedən müddətdə onlar Suraxanı polisində olublar və protokolda göstərilən ünvanda ola bilməzdilər.
E.Sadıqov Suraxanı Rayon Polis İdarəsinin videomüşahidə kamerasından 18-20 fevral tarixləri üçün məlumatların istənilməsi barədə vəsatət qaldırıb. Ancaq vəsatət təmin edilməyib.
E.Sadıqov və digər vəkil Aqil Layıcov qeyd ediblər ki, S.Zeynalov və X.Dadaşov O.Teymurxanın bloger fəaliyyətinə görə təqib olunurlar.
“Bu gün Azərbaycanda hakimiyyətə sərf etməyən şəxslərin qohumları siyasi motivlərlə həbs olunur”, - A.Layicov deyib və məhkəmədən xahiş edib ki, heç olmasa martın 12-də S.Zeynalovun toyunun olacağını nəzərə alsın və onun cəza müddətini azaltsın. O, hakimə dəvətnamə təqdim edib.
Əgər S.Zeynalov toya qədər azad edilməsə bu, həm də onun ailə qurmaq hüququnun pozulması olacaq və Avropa İnsan Hüquqları Məhkəməsinə müraciət ediləcək.
Öz növbəsində S.Zeynalov deyib ki, polislər onu aldadıblar və deyiblər ki, əgər məhkəmədə polisə müqavimət göstərdiklərini etiraf etsələr onları 200 manat cərimə edib buraxacaqlar. Zalda olan X.Dadaşov da bunu təsdiq edib.
Məşvərətdən sonra məhkəmə S.Zeynalovun şikayətini təmin etməyərək onu həbsdə saxlayıb.
Sonra X.Dadaşovun şikayətinə baxılıb. Məhkəmə onu da həbsdə saxlayıb.–03С06-
-
- İqtisadiyyat
- 23 Fevral 2017 16:27
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz