Martın 18-də Bakı Apellyasiya Məhkəməsində hakim Camal Ramazanovun sədrliyi ilə “Müsəlman Birliyi” Hərəkatının lideri Taleh Bağırzadənin həbs müddətinin üç ay uzadılmasından verilən şikayətə baxılıb. Məhkəmə şikayəti təmin etməyib. Bu barədə onun vəkili Elçin Sadıqov bildirib.
Vəkilin sözlərinə görə, martın 18-də istintaq hərəkəti – T.Baırzadənin şahidlə üzləşməsi keçirilib. Şahidin sərbəst ifadə verməsinə şərait yaradılmamasına etiraz olaraq, həmçinin şahidlərə təzyiq göstərildiyini əsas gəturərək T.Bağırzadə üzləşməkdən imtina edib”, - E.Sadıqov Facebook səhifəsində yazıb.
E.Sadıqov bildirib ki, hələ də görüşlərə, telefon danışıqlarına şərait yaradılmır. Təcridxanada T.Bağırzadəyə normal qanuni münasibət göstərilmir.
*Taleh Bağırzadə bir qrup dindarla birlikdə ötən il noyabrın 26-da Nardaranda keçirilən xüsusi əməliyyat zamanı saxlanılıb. Onun barəsində 4 ay müddətinə həbs qətimkan tədbiri seçilib. T.Bağırzadəyə qarşı CM-in 15 maddəsi irəli sürülüb. Bunların arasında konstitusiya quruluşunun zorla dəyişdirilməsinə cəhd də var. İş üzrə 86 nəfər həbs edilib.-16B06-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz