Apellyasiya Məhkəməsində �Nardaran işi� üzrə prosesdə vəkillərin vəsatətləri təmin edilməyib

Bakı/14.07.17/Turan: İyulun 13-də Bakı Apellyasiya Məhkəməsində "Nardaran işi" üzrə iclas keçirilib.

Xatırladaq ki, bu iş üzrə "Müsəlman Birliyi" Hərəkatının lideri Taleh Bağırzadə və digər 16 dindar, həmçinin Xalq Cəbhəsi Partiyasının sədr müavini Fuad Qəhrəmanlı keçir.

Onlar 2015-ci ilin noyabr-dekabr aylarında Nardaranda həbs olunublar və dövlət quruluşunu zorla dəyişdirməyə cəhd, qanunsuz silah saxlamaq və digər ağır cinayətlər törətmək ittihamları ilə uzun müddətə mühakimə ediliblər.

Hüquq-müdafiə təşkilatlarnının monitorinqınə əsasən birinci məhkəmə instansiyasında bu ittihamlar öz təsdiqini tapmayıb. Müttəhimlər bildiriblər ki, etirafedici ifadələri işgəncə altında veriblər.

Beynəlxalq təşkilatlar ədalətsiz məhkəmə hökmünü pisləyiblər. Fuad Qəhrəmanlı "vicdan məhbusu" kimi tanınıb. Onun, ümumiyyətlə. Nardaran hadisələrinə bağlılığı yoxdur.

Iyulun 13-də Əmir Bayramovun sədrliyilə keçirilən iclas zamanı vəkillər iyulun 6-da ibtidai iclasda təmin edilməyən vəsatətləri bir daha qaldırıblar.

Əsasən vəkillər DİN Mütəşəkkil Cinayətkarlığa Qarşı Mübarizə İdarəsinin şöbə rəisi Kərim Əlimərdanovun məhkəməyə çağırılması barədə vəsatət qaldırıblar. Belə ki, 2015-ci il noyabrın 26-da Nardaranda keçirilən xüsusi əməliyyata o rəhbərlik edib.

Ancaq vəsatət təmin edilməyib.

Sonra vəkillər Fəxrəddin Mehdiyev, Zibeydə Sadıqova və Nemət Kərimli çıxış ediblər.

Bundan əlavə, müttəhim Rasim Cəbrayılov çıxış edib.

O bildirib ki. günahkar deyil. MCQMI-də işgəncələrə məruz qalıb.

Ancaq hakim onun sözünü kəsərək "mahiyyəti üzrə" danışmağı tələb edib. Bu, müttəhimlərin narazılığına səbəb olub.

Onlar məhkəmə heyətinin üzvlərindən biri Əflatun Qasımova etiraz etmək istəyiblər. Ancaq məhkəmə heyəti iş vaxtının bitməsi adı ilə iclası dayandırıb. Növbəti dinləmələr iyulun 20-i saat 14:30-təyin edilib.35С--