Son iki gündə Apple şirkətinin xidmətlərində yaranan növbəti nasazlıq istifadəçiləri mənfi mənada təəccübləndirib. Problem smartfon və İpad istifadəçilərinin son yenilənməni yüklədiyi zaman yaranıb.
Şəxsi məlumatları daxil edərkən Ipad və Iphone bloklanır və onları açmaq mümkün olmur.
Apple-in rəsmi nümayəndəsinə müraciət zamanı bir ay gözləməyi təklif edirlər. Belə ki, hazırda sistem (İcloud) vasitəsilə blokdan çıxmaq mümkün deyil. Bu açıqlamanı Turan-ın müxbirinə rəsmi nümayəndəlikdən veriblər, lakin niyə bu qədər gözləmək lazım gəldiyinin səbəblərini açıqlamayıblar.
Apple məhsulları satan mağazalarda aparılan sorğuya görə, ötən sutkalar yüzlərlə adam analoji müraciət edib, lakin nəticəsi olmayıb.
Maraqlı odur ki, əhalisi birbaşa Apple firmasının servisinə müraciət edərək bu cür texniki problemi həll etmək istəyən ölkələr sırasında Azərbaycan yoxdur.
Regionun lider ölkəsinin Apple ilə əməkdaşlıq edən ölkələr siyahısında olmamasının səbəblərini söyləmək çətindir. Sualı Rabitə Nazirliyinə ünvanlamaq lazımdır. Lakin qonşularımız – Gürcüstan və Ermənistan həmin siyahıda yer alıb.
Apple-də qlobal nasazlıq hər iki-üç aydan bir baş verir. Nəzərə alsaq ki, hazırda Apple dünyada ən böyük və zəngin şirkətdir, servislərin niyə bu qədər pis, texniki nasazlığın aradan qaldırılması ilə bağlı ləng işləməsi anlaşılan deyil. -02В-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz