Açiq mənbələrdən foto.
Aprel ayında 600 min vətəndaş birdəfəlik ödəmə alıb, 529,2 min nəfərə ödəmə verilməsindən imtina edilib
Bakı/14.05.20/Turan: Əmək və Əhalinin Sosial Müdafiəsi Nazirliyi Turan agentliyinin sorğusuna cavab olaraq bildirib ki, aprel ayı üzrə işsiz və xüsusi karantin rejiminə görə işini itirən qeyri-formal işləyən şəxslərdən ibarət 600 min aztəminatlı şəxsə birdəfəlik ödəniş həyata keçirilib.
Fəaliyyət planı işsiz kimi elektron formada qeydiyyatdan keçənlərə aprel-may aylarında hər ay üçün yaşayış minimumu həcmində (190 manat) birdəfəlik müavinətin ödənilməsini nəzərdə tutur.
320 min şəxsin adına aktiv əmək müqaviləsi bildirişi olduğu, 170 min şəxsin adına aktiv VÖEN olduğu, 20 min şəxsin adına iki və daha çox daşınmaz əmlakı, 19 min 200 şəxsin adında 2 və daha çox avtomobil olduğu və s. müəyyən edilərək onlara birdəfəlik ödəmə verilməsindən imtina edilib.
Habelə müvafiq qurumların informasiya bazalarına istinad edilməklə 41 min müraciətin hazırda xarici ölkələrdə yaşayan şəxslər tərəfindən edildiyi, 65 min şəxsin həyat yoldaşının birdəfəlik ödəmə üçün artıq müraciət edərək bu ödəmə ilə təmin edildiyi, eyni zamanda, müraciətlər zamanı vətəndaşlar tərəfindən çox sayda səhv məlumatların daxil edildiyi müəyyən olunub və həmin şəxslərə birdəfəlik ödəmənin verilməsindən imtina edilib.—0—
Cəmiyyət
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
Rəy yaz