Bakı/04.05.18/Turan: "Viza" hüquq firmasının rəhbəri, ictimai fəal Aslan İsmayılov Bakıdakı özəl klinikaların birində həkimlərin səriştəsizliyi səbəbindən 8 yaşlı oğlanın öldüyünü bildirib. Bu barədə A.İsmayılov özünün Facebook səhifəsində yazıb.
Onun sözlərinə görə, bir neçə gün öncə "Xətai Estetik Klinikası"nda uşaq burnundakı polipin (artıq ət) götürülməsi üçün əməliyyat olunub. Ancaq həkimlərin səriştəsizliyinə görə arteriya damarı zədələnib. Guya onu tikərək uşağı evə yazıblar. İlk öskürək zamanı həmin damar açılıb və uşaq qısa zamanda həyatını itirib.
"Həmin klinika prezidentin köməkçisi Əli Həsənova məxsus olduğundan bir neçə dəfə qəzet və saytlarda yayımlanan materiallar dərhal çıxarılıb ki, hadisəni ört basdır etsinlər",- A.İsmayılov yazıb.
"Əgər bu ölkədə Prokurorluq, Dövlət Təhlükəsizlik Xidməti, Daxili İşlər Nazirliyi varsa bu məsələni araşdırıb ictimaiyyətə məlumat verilməlidir", - A.İsmayılov qeyd edib.
Ə.Həsənov A.İsmayılovun bəyanatını hələlik şərh etməyib.
"Xətai Estetik Klinikası"ndan da şərh almaq mümkün olmayıb.-06D--
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz