Bakı/17.07.17/Turan: Vəkil, ictimai hakim Aslan İsmayılov Bakının dağlıq hissəsində İnturist otelin (yeni) arxa tərəfində park salınması təşəbbüsü ilə çıxış edib.
"Bu təşəbbüs heç bir kommersiya və siyasi məqsəd daşımır. Hər şey Bakının abadlığı üçündür", - A.İsmayılov Facebook səhifəsində yerləşdirdiyi videoçarxda bildirib.
Bir zamanlar boş qalan yerdə terraslar çəkilib, yüzlərlə ağac əkilib.
"Mən hamını belə etməyə çağırıram. Dəbdəbəli toylar, təntənələr, yas mərasimlərinə pul xərcləməkdənsə parkların maliyyələşdirilməsinə çağırıram. Kim necə bacarırsa, elə etsin", - vəkil vurğulayıb.
A.İsmayılovun təşəbbüsü şifahi formada dövlət qurumları tərəfindən dəstəklənib, ancaq hüquqi baxımdan sənədləşdirilməyib. Bu, öz hesabına 3 ha sahəni abadlaşdıran təşəbbüskarı qorxutmur.
"Əminəm ki, Azərbaycan vətəndaşları bu təşəbbüsü dəstəkləyəcəklər və bu, gələcəkdə həyat normasına çevriləcək", - o vurğulayıb.
Turan-ın onun təşəbbüsünə sosial şəbəkələrdə reaksiya ilə bağlı sualının cavabında vəkil deyib ki, bu işin necə reallaşdırılması ilə bağlı ona yüzlərlə sual daxil olub. -0-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz