Aslan İsmayılov
Bakı/30.01.18/Turan: "Yanvarın 29-da məni məhkəmə qərarını icra etmək üçün güc tətbiq etməklə Səbayel məhkəməsinə aparmalı olan polis qüvvələri gəlmədi, mən də könüllü olaraq məhkəməyə getmədim", - "Viza" hüquq şirkətinin rəhbəri Aslan İsmayılov Turan-a bildirib.
A.İsmayılov növbəti məhkəmə prosesinin fevralın 1-i, saat 15:00-a təyin olunduğunu bildirib.
Onun sözlərinə görə, Müasir Müsavat Partiyasının sədri Hafiz Hacıyev Cinayət Məcəlləsinin 148-ci maddəsi (təhqir) ilə xüsusi ittiham qaydasında cinayət işinin qaldırılması barədə müraciət edib.
Müraciətə bu gün Səbayel Rayon Məhkəməsində hakim Azər Tağıyevin sədrliyi ilə baxılacaq: "Hafiz Hacıyev məhkəməyə müraciətində bildirir ki, Facebook səhifəmdə onun mülkləri və bu mülkləri hansı vəsaitlə alması barədə yazdığım statusda onu təhqir etmişəm. Mənim statusumda təhqir yoxdur, əslində hüquq- mühafizə orqanları "Facebook" statusumda Hafiz Hacıyevin Bakıda və Göygöl rayonunda ünvanlarını göstərdiyim mülkləri necə əldə etməsi barədə araşdırma aparmalıdır", - o qeyd edib.
Aslan İsmayılov sosial şəbəkələrdə yüksək vəzifəli məmurlarla bağlı tənqidi statusları ilə tanınır.
2017-ci ildə A.İsmayılov təhqirə görə H.Hacıyevi məhkəməyə verib.
Nərimanov Rayon Məhkəməsi işə baxdıqdan sonra Binəqədi Rayon Məhkəməsinə göndərib. A.İsmayılov deyib ki, Binəqədi Rayon Məhkəməsində iclas günü məhkəmə zalında olub, yarım saat gözlədikdən sonra deyiblər ki, qərar elan edilib. A.İsmayılov etiraz edib, hakimin bu münasibətini qanunsuzluq adlandırıb. 2017-ci ilin oktyabrında Binəqədi Rayon Məhkəməsinin hakimi Rəşad Əliyevin ərizəsi əsasında Binəqədi Rayon Polis İdarəsində vəkilə qarşı Cinayət Məcəlləsinin 221-ci maddəsi (xuliqanlıq) ilə cinayət işi başlayıb. Bundan sonra H.Hacıyev A.İsmayılova qarşı xüsusi ittiham qaydasında cinayət işinin başlanması üçün Səbayel Rayon Məhkəməsinə müraciət edib.
A.İsmayılov təhlükəsizliyi təmin edilmədiyi üçün məhkəməyə getmədiyini, H.Hacıyev və tərəfdarları tərəfindən təhqir olunacağını bildirir.
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Rəy yaz