Bakı/30.01.18/Turan: Klassik Azərbaycan Xalq Cəbhəsi Partiyasının (KXCP) fəalı Hüseyn Həsənlinin həbs edildiyi bildirilir. Bu haqda Turan-a KXCP-dən məlumat verilib.
Məlumata görə, partiyanın Nərimanov rayon şöbəsinin üzvü Hüseyn Həsənli yanvarın 27-də axşam saatlarında polis tərəfindən saxlanılıb.
"Hüseyn Həsənli Facebook-da, sosial şəbəkələrdə fəal idi. Həmin gün hansı səbəbdən saxlanması haqda məlumat verilmədi. Harada olması barədə də məlumat ala bilmədik. Yalnız bu gün, yanvarın 30-da məlum olub ki, H.Həsənli inzibati qaydada həbs edilib", - məlumatda deyilir.
Partiyadan bildiriblər ki, yanvarın 28-də Nərimanov Rayon Məhkəməsi onun barəsində 30 sutka inzibati həbs qərarı çıxarıb və buna səbəb kimi H.Həsənlinin polisi söydüyü göstərilir.
Partiya təmsilçiləri H.Həsənliyə qarşı ittihamı absurd sayırlar. H.Həsənlinin ailəsi ilə məsləhətləşmədən sonra qərardan şikayət verilib-verilməməsinə aydınlıq gətiriləcək.-05B-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz