Bakı/12.07.19/Turan: Azərbaycanda Siyasi Məhbusların Azadlığı Uğrunda İttifaq (ASMAUİ) Gəncə hadisələri ilə əlaqədar ittiham olunan Aydın Qurbanovun iyulun 10-da təcridxana həbsxanasında vəfat etməsilə bağlı bəyanat yayıb.
Qurum hesab edir ki, o, "işgəncə nəticəsində aldığı xəstəlikdən" ölüb. "Vəkillər Aydın Qurbanovun vəziyyətinin ağır olması ilə bağlı dəfələrlə məhkəməyə müraciət ediblər və onun ev dustaqlığına buraxılmasını xahiş ediblər. Lakin bu müraciətlərə məhəl qoyulmayıb", - ASMAUİ-nin koordinatoru Elşən Həsənov Turan-a bildirib.
"Bu, Azərbaycan həbsxanalarında məhbusun ölməsilə bağlı ilk hadisə deyil", - o əlavə edib.
O, bloger Mehman Qələndərovun, "Tolışi sado" qəzetinin baş redaktoru Novruzəli Məmmədovun, İslam Partiyasının sər müavini Vaqif Abdullayevin, "Tərtər işi" və s. üzrə həbs olunmuş bir qrup hərbçinin həbsxanalarda ölməsini yada salıb.
"Gəncə hadisələri üzrə həbs edilənlər, istisnasız olaraq, qeyri-insani rəftara, amansız işgəncələrə məruz qalıblar. Bu işgəncələrə 1948-ci il İnsan Hüquqları Bəyannaməsi ilə birmənalı şəkildə qadağan edilib. Eyni zamanda məhkəmələr həbs olunanların və onların vəkillərinin işgəncə faktları ilə bağlı bəyanatlarına məhəl qoymurlar", - bəyanatda deyilir.
ASMAUİ bütün işgəncə faktlarının araşdırılmasını və məsul şəxslərin cəzalandırılmasını, bilərəkdən ədalətsiz hökm çıxaran hakimlərin səlahiyyətdən məhrum edilməsini, əsl məhkəmə sistemi islahatlarının aparılmasını, həmçinin öz vəzifəsini icra edə bilməyən ombudsmanın dəyişdirilməsimi tələb edir.
Həmçinin bütün siyasi məhbusların azadlığa buraxılması tələb olunur.
Qeyd edək ki, Baş Prokurorluq və Ədliyyə Nazirliyi bəyanatla çıxış edərək A.Qurbanova işgəncə tətbiq edilməsini təkzib ediblər.
*ASMAUİ 2018-ci ilin sonlarında Sülh və Demokratiya İnstitutunun direktoru Leyla Yunus, Siyasi Məhbusların Monitorinq Mərkəzinin rəhbəri Elşən Həsənov, hüquq müdafiəçisi Hilal Məmmədov və Azərbaycan Ziyalılar Birliyinin sədri Eldəniz Quliyev tərəfindən yaradılıb. -06D--
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz