AŞPA seçkiqabağı missiyası Natiq Cəfərli ilə görüşüb

İspaniyalı deputat Yordi Xuqlanın rəhbərliyi ilə AŞPA seçkiqabağı missiyası bu gün REAL hərəkatının icraçı katibi Natiq Cəfərli ilə görüşüb.

Bir saatlıq görüş zamanı qonaqlar ölkədəki seçkiqabağı durumla maraqlanıblar. N.Cəfərlinin sözlərinə görə, ölkədə seçkiqabağı platforma yoxdur, adamlar ədalətli seçkiyə inanmırlar və səsverməyə getmək istəmirlər.

REAL-ın iştirakına gəlincə, hərəkat 17 namizəd irəli sürüb və digər 8 namizədi də dəstəkləmək niyyətindədir.

Seçkilərdə iştirak barədə yekun qərar namizədlərin qeydiyyatı mərhələsinin və seçkiqabağı təşviqatın necə keçəcəyindən asılı olacaq.

“Əgər bir neçə namizədin qeydiyyatından əsassız olaraq imtina edilsə, seçkiqabağı təşviqatın aparılması üçün maneələr olsa biz seçkilərdə iştirak barədə qərara yenidən baxacağıq”, - N.Cəfərli bildirib.

AŞPA nümayəndə heyəti N.Cəfərlini Strasburqa dəvət edib. O bildirəndə ki, hər hansı məhkəmə qərarı olmadan ölkədən çıxışına qadağa qoyulub, qonaqlar təəccübləniblər.

AŞPA nümayəndə heyəti REAL hərəkatının lideri İlqar Məmmədovun səhhəti ilə maraqlanıb. N.Cəfərli bildirib ki,

son günlər İ.Məmmədova evə telefon etməyə icazə verilmir. Vəkil hər iki gündən bir ona baş çəkməli olur.

Bu günün ikinci yarısında AŞPA nümayəndə bir qrup hüquq müdafiəçisi ilə görüşəcək.—06B-