İçərişəhərdə yerləşən, “Ləzgi məscidi” kimi də tanınan “Aşurbəy” məscidinin icmasına məscidə gələnlərə iyulun 26-dan məscidin təmirə bağlanacağı haqqında xəbərdarlıq etmək tapşırılıb. Bu barədə Turan-a məscidin nümayəndəsi Faiq Mustafa bildirib.
Onun sözlərinə görə, xəbərdarlıq nədənsə icra hakimiyyətindən deyil, Səbail rayon polis idarəsindən daxil olub.
Mustafa hesab edir ki, “təmir” məscidin bağlanması üçün bir bəhanədir. “Təmirə ehtiyac yoxdur. Məscidin daxili yaxşı vəziyyətdədir, bu haqda əlimizdə sənəd də var, bayır hissədən nəyisə təmir etmək istəyirlərsə, məscidi bağlamadan da etmək olar”, deyə Mustafa bildirib.
Onun sözlərinə görə, məscid həqiqətən təmirə bağlanırsa belə, bu, sənədləşdirilməli, icmaya təmir işlərinin müddəti və məscidin nə vaxt açılacağı haqqında rəsmi məlumat verilməlidir.
“Biz harada ibadət edəcəyimizi soruşanda bizə “bilmirik” cavabı veriblər. Deyirlər ki, bu, bizim işimiz deyil, bununla bağlı başqa qurumlara müraciət etməlisiniz”, deyə F.Mustafa bildirib.
Qeyd edək ki, “Aşurbəy” məscidində sünni məzhəbinin sələfi qolundan olan müsəlmanlar ibadət edirdi. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz