Keçən ilin dekabrında hərbi xidmət zamanı dünyasını dəyişmiş əsgər Orxan Alıyevin atası Şirazi Alıyev bazar ertəsi RATİ-də mətbuat konfransı keçirib.
Ş.Alıyevin sözlərinə görə, ölüm faktından yarım saat sonra hərbi hissə ölümə səbəb kimi əsgər O.Alıyevdə ürək-damar çatışmazlığını göstərib. Ölümdən sonra keçirilən anatomik-patoloji ekspertiza ölümün tromb üzündən (qan laxtalanması və qanın ürək damarlarından keçə bilməməsi) baş verdiyini göstərib. Daha bir səbəb kimi ürək xəstəliyi göstərilib. Amma Ş.Alıyev bu səbəblərin heç birini əsaslı saymır, oğlunun sağlam olduğunu, hər-hansı xəstəliyi və ya şikayəti olmadığını deyir.
O, oğlunun qətlə yetirildiyini iddia edir. O.Alıyevin Naftalanda xidmət etdiyi hərbi hissədə hərbi nizam-intizam olmadığını deyib. Oğlunun “dedovşina”nın qurbanı olduğunu önə çəkib. Ş.Alıyev hərbi xidmətə yeni gələnlərin “köhnələr” tərəfindən incidildiyini, O.Alıyevin isə yeni gələnləri müdafiə etdiyini söyləyib. Ş.Alıyev oğlunun qətlinə daha bir səbəb kimi bəzi zabitlərlə yola getməməsini göstərib. Hətta oğlunun bu barədə danışdığını da nəzərə çatdırıb.
O.Alıyev dekabrın 2013-cü il dekabrın 12-dən 13-nə keçən gecə dünyasını dəyişib. Meyit Naftalandan Tərtərə aparılıb, ekshumasiya keçirilib. Yalnız 8 saat keçdikdən sonra əsgərin ailəsinə ölümü haqda məlumat verilib. Ş.Alıyev ailənin övladının ölümündən 8 saat xəbərsiz qalmalarını qatillərə “qətlin izlərini itirmək üçün lazım olan vaxt” kimi dəyərləndirib. O.Alıyevin də daxili orqanları çıxarılıb. Ata bu daxili orqanların “qara bazar”da satıla biləcəyini də istisna etməyib.
Hadisədən 3 ay keçməsinə baxmayaraq, hələ də qatillərin tapılmamasına diqqət çəkib. Bu məsələdə Tərtər rayon hərbi prokurorunu, istintaqı aparan müstəntiqi əsas günahkar hesab etdiyini söyləyib. Mətbuat konfransından sonra istintaqdan şikayət üçün Prezident Administrasiyası önünə gedəcəklərini bildiriblər.
Mətbuat konfransına qatılan O.Alıyevin qohumları əsgərin qatilləri tapılmadığı halda övladlarını hərbi xidmət üçün orduya göndərməyəcəkləri tələbi səsləndiriblər. -05C-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz