ATİŞ Lənkəranda tələbələrin təşəbbüsünü dəstəkləyib

Bakı/04.02.21/Turan:  Azərbaycan Talışların İctimai Şurasının  (ATİŞ) bu yaxınlarda Lənkəran Dövlət Universitetində (LDU) baş vermiş etiraz aksiyası ilə bağlı bəyanat yayıb.

"Həm orta məktəblərdə, həm də Azərbaycan universitetlərində təhsil sisteminin müasir vəziyyəti ölkənin hər bir vətəndaşına məlumdur. COVİD-19 virusunun pandemiyası şəraitində virtual tədrislə bağlı əlavə problemlər vəziyyəti gərginləşdirib.

“Azərbaycanın istər orta ümumtəhsil məktəblərində, istərsə də ali məktəblərində təhsil sisteminin bugünkü vəziyyəti hər bir sıravi ölkə vətəndaşına bəllidir. COVİD-19 virusu ilə bağlı pandemiya şəraitində virtual tədrislə bağlı əlavə problemlərin üzə çıxması vəziyyətin daha da ağırlaşmasına gətirib çıxarıb. Bu problemləri müzakirə etmək, həlli yollarını göstərmək, konstruktiv təkliflər vermək, nəinki təhsil sahəsində çalışanların, eləcə də Azərbaycanın gələcəyini düşünən hər bir vətəndaşın mənəvi borcudur”, - sənəddə deyilir.

Bu mənada ATİŞ pandemiyanın yaratdığı iqtisadi çətinliklərə baxmayaraq, bir il öncədən təhsil haqqını ödəmək tələbinə etiraz edən Tələbə Güc Mərkəzi təşkilatının təşəbbüsünü təqdirəlayiq hesab edir.

1 fevral 2021-ci il tarixində həmin bəyanatı rəhbərliyə təqdim etmək məqsədilə universitetə  gələn tələbələr  Orxan İsgəndərli, Samir Axundzadə, Əhməd Məmmədli Lənkəran rayon hüquq-mühafizə orqanları tərəfindən saxlanılıb.

 Çox təəssüf ki, LDU-nun bəzi müəllimləri tələbələrin talış dilinin tədris edilməsilə bağlı istəklərini hansısa “separatçı” qüvvələrlə bağlamaq istəyirlər.

“44 günlük II Qarabağ müharibəsində nümayiş etdikləri qəhrəmanlıq salnaməsi bir daha sübut etdi ki, bugünkü Azərbaycan gəncliyi vətənpərvərdir, cəsarətlidir, qəhrəmandır. 

 ATİŞ LDU Tələbə Güc Mərkəzinin belə bir cəsarətli vətənpərvər addımını dəstəkləyir və alqışlayır, ali məktəblərdə çatışmazlıqların gündəmə gətirilməsini və onların həlli yollarının axtarılıb tapılmasında göstərilən bütün təşəbbüsləri yüksək qiymətləndirir”, - bəyanatda deyilir.

Xatırladaq ki, fevralın 1-də polis LDU-nun qarşısında müraciəti oxuyan üç tələbəni saxlayıb, onları karantin rejimini pozmaqda ittiham ediblər. Ancaq ertəsi gün məhkəmə onlara bəraət verib. –06D-