Qurbanov Aslan. Açiq mənbələrdən foto.
ATİŞ talış bloqerin həbsini pisləyib
Bakı/28.07.20/Turan: AzərbaycanTalışlarının İctimai Şurası (ATİŞ) bloqer Aslan Qurbanovun həbsi ilə bağlı bəyanatla çıxış edib.
Ağır formalı epilepsiya xəstəliyindən əziyyət çəkən 27 yaşlı A.Qurbanov iyulun 14-də Binə qəsəbəsində DTX əməkdaşları tərəfindən güc tətbiq edilməklə saxlanılıb. Həbs olunduqda huşunu itirib və sarsıntı içində çabalayıb, ATİŞ-in bəyanatında deyilir.
Gəncə qarşı CM-in 281.2 (dövlət əleyhinə yönələn açıq çağırışlar) və 283.1 (milli, dini, sosial və ya dini nifrət və düşmənçiliyin salınması) maddələrilə ittiham irəli sürülüb. Məhkəmə A.Qurbanovu 4 ay müddətinə həbs edib.
İttiham bloqerin Facebook və İnstagram-da yazıları üzərində qurulub.
Belə ki, İnstağramda "caspi_cadus_talysh" adlı səhifədə o, talış müəlliflərin mahnılarını, şeirləri və ifadələri nəşr edib, əslən talış olan qəhrəmanları, talış dili və ədəbiyyatını təbliğ edib.
“Azərbaycanda və İrandakı soydaşlarımızın bu yazılarında heç bir siyasi məzmunu olmayıb”, - bəyanatda bildirilir.
Bu 2011-2012-ci illərdə Murovdağda xidmət etmiş və igidliyə görə təltif edilmiş gəncin belə ağır ittihamlarla təqib olunmasına əsas vermir, bəyanat müəllifləri hesab edirlər.
ATİŞ bu iş il 2007-ci ildə tanınmış talış alim Novruzəlı Məmmədovun həbsi arasında paralellər aparır. O, talışçılığın təbliğinə görə ittham olunurdu (2009-cu ilə həbsxanada ağır xəstəlikdən vəfat edib).
A.Qurbanovun həbsi millətlərarası münasibətlərə ziyan vurur və siyasi motivlidir. Bu səbəbdən ATİŞ A.Qurbanovun dərhal azadlığa buraxılmasını tələb edir.
ATİŞ həmçinin iyulun 14-15-də orduya dəstək aksiyasından sonra fəalların həbsini pisləyib.
A.Qurbanovun yaxınları bildiriblər ki, o, bir neçə il öncə sosial şəbəkələrdəki yazılarına görə həbs edilib. Lakin bu ittihamlar əsassızdır.
A.Qurbanovun vəkili Ramiz Məmmədov Turan-ın müxbirilə söhbətində istintaq sirrinin yayılmaması barədə iltizamla əlaqədar şərh verməkdən çəkinib. Yalniz onu qeyd edib ki, gənc qismən günahını etiraf edir və saxlanma şəraitindən şikayətlənmir.
DTX-dən şərh almaq mümkün olmayıb.–06B-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz