Avqustun 29-da gündüz isti olacaq, axşam sərinləşəcək

Uzun müddət davam edən anomal isti hava şəraitindən sonra avqustun 29-u axşamdan avqustun 31-i axşamadək Abşeron yarımadasında və bəzi rayonlarda güclü şimal-qərb küləyi əsəcək. Əsasən gecə və axşam bəzi dağlıq və dağətəyi rayonlarda şimşək çaxacaq, yağış yağacaq. Temperatur ötən günlərlə müqayisədə 5-8 dərəcə aşağı enəcək.

Bununla yanaşı, avqustun 29-da Abşeron yarımadasında güclü isti temperatur, havada rütubətin çox olması, gecə və səhər saatlarında durğun hava üstünlük təşkil edəcək.

Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, avqustun 29-da Bakıda və Abşeron yarımadasında hava əsasən yağmursuz keçəcək. Səhər yarımadanın bəzi yerlərində zəif duman olacaq. Cənub-şərq küləyi axşam arabir güclənən şimal-qərb küləyi ilə əvəz olunacaq. Gecə 25-28, gündüz 35-40 dərəcə isti olacaq.

Abşeron çimərliklərində dəniz suyunun temperaturu: Sumqayıt, Novxanı, Pirşağı, Nardaran, Bilgəhdə 27-28, Zağulba, Mərdəkan, Şüvəlan, Buzovnada 28-29, Türkan, Hövsan, Şıx, Sahildə 29-30 dərəcə isti təşkil edəcək.

Azərbaycanın rayonlarında avqustun 29-da hava əsasən yağmursuz keçəcək, lakin axşam və gecə bəzi dağlıq rayonlarda şimşək çaxacaq, qısamüddətli az yağış yağacaq. Arabir güclənən qərb küləyi əsəcək. Gecə 21-26, gündüz 35-40, dağlarda gecə 14-19, gündüz 26-31 dərəcə isti olacaq. -03D-