Cümə axşamı Bakı Apellyasiya Məhkəməsində (BAM) hüquq müdafiəçisi Rəsul Cəfərovun həbs qətimkan tədbirinin ev dustaqlığı ilə əvəz edilməsindən imtina ilə bağlı şikayətinə baxılıb.
Apellyasiya şikayətində qeyd edilirdi ki, Cəfərov istintaqdan gizlənmək və ya istintaqa təsir etmək niyyətində deyil. Bu barədə Turan-a vəkil Fariz Namazlı bildirib.
Cəfərov gizlənmək istəsəydi, hesablarına həbs qoyulduğunu və cinayət məsuliyyətinə cəlb edilməsi ehtimalı olduğunu öyrəndikdə xaricdən qayıtmazdı.
Digər tərəfdən, Cəfərov istintaqa müntəzəm şəkildə gəlib və araşdırmaya əlindən gəldiyi qədər yardım edib, bütün sənədləri könüllü şəkildə təqdim edib.
Lakin Apellyasiya Məhkəməsi şikayəti təmin etməyib. Vəkil Namazlı Avropa İnsan Hüquqları Məhkəməsinə şikayət göndərmək niyyətində olduğunu bildirib.
Cəfərov avqustun 2-də həbs edilib. Prokurorluq onu CM-in 3 maddəsi üzrə (192, 213 və 308) – vergilərdən yayınma, qanunsuz sahibkarlıq və vəzifə səlahiyyətlərindən sui-istifadədə ittiham edib.
Amnesty İnternational Cəfərovu “vicdan məhbusu” kimi tanıyıb. -16/06D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz