Mənzil təminatının olmaması, içməli su və irriqasiyaya məhdud çıxış, həddindən artıq dolmuş kanalizasiya, məktəblərdən, iş yerlərindən və tibbi yardımdan tamamilə təcrid olma – bu, Cənubi Qafqazda iqtisadi miqrasiya probleminin həlli üzrə Aİ tərəfindən maliyyələşdirilən layihə çərçivəsində problemli əhali qrupları ilə bir sıra görüşlərdən sonra müəyyən edilmiş problemlərin yalnız bir hissəsidir.
Avropa Qonşuluq Siyasətinin İnformasiya Mərkəzinin yaydığı məlumata görə, layihəni Qafqaz ekoloji QHT-lər şəbəkəsi (CENN) üç Cənubi Qafqaz ölkəsində Aİ-nin maliyyə dəstəyi ilə həyata keçirir. Bu iş vətəndaş cəmiyyətinin potensialının möhkəmləndirilməsi və milli və regional səviyyələrdə dialoqun genişləndirilməsi yolu ilə Cənubi Qafqaz ölkələrində iqtisadi miqrasiya sahəsində sistemli islahatlar aparılmasına kömək etmək məqsədi daşıyır.
Gürcüstanda layihə çərçivəsində bilavasitə Azərbaycanlıların məskunlaşdığı Kvemo Kartli regionunda iqtisadi miqrantlarla bir neçə konsultativ görüş keçirilib.
Onların problemləri mənzil və kənd təsərrüfatı yerləri, infrastrukturun pis olması, yanacaq çatışmazlığı, su təchizatı və kanalizasiya sistemlərinin həddindən artıq yüklənməsi, təhsil və səhiyyə imkanlarının çətin əldə edilməsidir. Kəndlərdən birində çirkab sular birbaşa küçədə axır, amma suvarma üçün su yoxdur, digər kənddə məktəb və yaxın kəndə gedən ictimai nəqliyyat vasitələri yoxdur, üçüncü bir kəndin su təchizatı kəsilib və onlar hamısı mənzillərinin hüquqi statusu ilə bağlı problemdən şikayət edirlər, istənilən an evlərindən çıxarılmaqdan qorxurlar.
Layihə çərçivəsində Ermənistanda və Azərbaycanda da analoji problemlər tədqiq ediləcək. -02D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz