Ahmet Davutoğlu Ermənistanla münasibətlərin normallaşdırılması ehtimalı haqqında

Türkiyə XİN rəhbəri QİƏT görüşündə iştirak üçün Yerevana səfəri ərəfəsində Ermənistanla münasibətlərə, habelə Ermənistan-Azərbaycan münaqişəsi ətrafında vəziyyətə dair bir sıra bəyanatlar verib.

Ermənistan və Türkiyə arasında münasibətlərin normallaşdırılması haqqında ikitərəfli protokolların ratifikasiyası ehtimalına toxunan Ahmet Davutoğlu qeyd edib ki, əsas problem protokollar deyil, şüurdakı maneələrdir, onları aradan qaldırmaq lazımdır, deyə Haberturk agentliyi nazirdən start gətirir.

Bu zaman o, qətlə yetirilmiş erməni əsilli jurnalist Qrant Dinki nümunə göstərib və xoş sözlə yad edib.

Daha sonra nazir bildirib ki, Ermənistan XİN rəhbəri və prezidenti və Azərbaycan rəhbərliyi ilə bu mövzuda dəfələrlə söhbət edib.

“Bu tezislər sadə və aydındır: Türkiyə və Ermənistan qonşudurlar və biz onunla yaxşı münasibətlərimiz olmasını istəyirik. Amma münasibətlərin normallaşdırılması üçün iki qonşumuz – Ermənistan və Azərbaycan bir-birinin ərazi bütövlüyünə hörmət etməlidir”, deyə Davutoğlu bildirib.

Ermənistan-Türkiyə münasibətlərinin normallaşması perspektivlərinə toxunan nazir qeyd edib ki, hər iki xalqın nümayəndələri bütün dünyada və Türkiyənin özündə yaxşı ünsiyyət qururlar. “Lakin sonradan, birdən-birə iki xalq arasında həmin psixoloji maneə yaranır ki, onu aradan qaldırmaq lazımdır”, deyə Davutoğlu bildirib. -02D-