Avropa Liqasının finalı ilə əlaqədar AZAL və Buta Airways-in bəzi reysləri ləğv olunacaq
Bakı/26.04.19/Turan: 29 may 2019-cu il tarixində Bakıda futbol üzrə Avropa Liqasının final mərhələsinin keçirildiyi dövrdə Heydər Əliyev adına Beynəlxalq Hava Limanının yükünün çox olması ilə əlaqədar "Azərbaycan Hava Yolları" və Buta Airways-in reyslər cədvəlinə dəyişikliklər edilib.
Bəzi reyslər təxirə salınır, 10-dan çox reys isə ümumiyyətlə ləğv olunur. Təxirə salınan və ləğv edilən reyslər haqqında ətraflı məlumatı https://www.azal.az/ru/article/482 ünvanından əldə etmək olar.
"Azərbaycan Hava Yolları" QSC-nin mətbuat xidmətinin məlumatına görə, qeyd edilən reyslərdəki sərnişinlərə hava yolları şirkətinin proseduruna uyğun olaraq aviabilet alınarkən qeyd edilmiş telefon nömrələri ilə əlaqə saxlanılaraq məlumat veriləcək. Ləğv edilmiş və dəyişdirilmiş reyslərin sərnişinlərinə istəklərindən asılı olaraq alternativ uçuş variantları təklif ediləcək. -06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz