![Avropa Məhkəməsi Aqil Xəlilin şikayətinə baxacaq](https://turan.az/resized/750/500/resize/media/2014/main/061800081829.jpg)
Avropa Məhkəməsi Aqil Xəlilin şikayətinə baxacaq
Avropa İnsan Haqları Məhkəməsində “Azadlıq” qəzetinin təzyiqlərə məruz qalaraq məcburən Fransaya mühacirət etmiş əməkdaşı Aqil Xəlilin şikayətlərinin araşdırması davam edir. Azərbaycan hökuməti beynəlxalq məhkəmənin jurnalistin şikayətləri ilə bağlı sorğularını cavablandırıb. Bu barədə Media Hüququ İnstitutu (MHİ) məlumat yayıb.
Avropa Məhkəməsi jurnalistin vəkillərinə bildirib ki, Azərbaycan hökuməti Aqil Xəlil işi ilə bağlı məhkəmənin 15 sualını cavablandırıb. Məhkəmə həmçinin, jurnalistin vəkillərinə hökumətin cavabları ilə bağlı mülahizələri təqdim etmək üçün iyulun 3-dək vaxt verib.
Hökuməti tənqid edən yazıları ilə tanınan Aqil Xəlil 2008-ci ilin fevralında Bakıdakı Zeytun bağlarında peşə fəaliyyətini yerinə yetirərkən Milli Təhlükəsizlik Nazirliyinin yüksək rütbəli işçilərinin hücumuna məruz qalıb. Zeytun bağlarında ağacların kəsilməsini lentə alan jurnalist vəhşicəsinə döyülüb, üz, əl, sinə, baş nahiyəsindən xəsarətlər alıb, barmağı sınıb. Bundan sonra jurnalist dəfələrlə ölümlə təhdid edilib, onun şikayətini araşdıran müstəntiqin işgəncələrinə, qeyri-insani rəftarına məruz qalıb, ölkədən çıxmasına qanunsuz əngəllər yaradılıb, məhkəmə qərarı olmadan mobil telefon kommunikasiyası izlənib, onun guya cinsi azlıqların nümayəndələri ilə əlaqələrinin olması barədə hökumətin nəzarətində olan telekanallarda xəbərlər yayımlayıb.
Aqil Xəlilin hüquqlarını Media Hüququ İnstitutunun vəkilləri Rəşid Hacılı və Elçin Sadıqov müdafiə edir. Vəkillərin AİHM-ə şikayətlərində qeyd olunur ki, ölkə məhkəmələri jurnalistin şikayətləri üzrə qərarlar verərkən onun Avropa Konvensiyasında təsbit olunmuş yaşamaq (maddə 2), işgəncələrin qadağan olunması (maddə 3), azadlıq və toxunulmazlıq (maddə 5), ədalətli məhkəmə araşdırması (maddə 6), şəxsi həyata hörmət (maddə 8), ifadə azadlığı (maddə 10), səmərəli hüquqi müdafiə vasitələri (maddə 13), hərəkət etmək azadlığı (4 Saylı Protokolun 2-ci maddəsi) hüquqlarını pozub. -03D-
-
- Siyasət
- 18 İyun 2014 17:02
-
- Foto sessiyalar
- 18 İyun 2014 18:02
Cəmiyyət
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
Rəy yaz