Avropa İnsan Hüquqları Məhkəməsi vəkil Xalid Bağırovun vəkillik fəaliyyətindəın uzaqlaşdırılması ilə bağlı şikayəti üzrə kommunikasiyaya başlayıb. Bu barədə Turan-a X.Bağırov məlumat verib.
O. həbsdə olan müxalifət lideri, REAL Hərəkatının rəhbəri İlqar Məmmədovun məhkəməsində tənqidi çıxış edib. Bundan bir neçə gün sonra, 2014-cü il dekabrın 10-da Vəkillər Kollegiyasının qərarı ilə onun vəkillik fəaliyyəti dayandırılıb. X.Bağırov Vəkillər Kollegiyasının qərarından 2015-ci ilin yanvarında Avropa Məhkəməsinə şikayət edib.
O, Avropa İnsan Haqları Konvensiyasının 10-cu maddəsi (ifadə azadlığı) üzrə hüququnun pozulduğunu iddia edir.
X.Bağırovun bundan öncə 2011-ci il avqustun 24-də polis bölməsində müəmmalı şəkildə vəfat etmiş Elvin Əsgərovun cinayət işi ilə bağlı mediada çıxışından sonra bir il vəkillik fəaliyyəti dayandırılmışdı.-03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz