![Avropa Şurası azərbaycanlı hüquqşünaslar üçün treninq keçirib](https://turan.az/resized/media/2014/main/022500070376-750-500-resize.webp)
Avropa Şurası azərbaycanlı hüquqşünaslar üçün treninq keçirib
Avropa Şurasının Avropa İttifaqı ilə birgə həyata keçirdiyi “Vəkillərin və hüquq müdafiəçilərinin bacarıqlarının artırılması” layihəsi çərçivəsində treninq başa çatıb.
Ötən həftə üçüncü təlim sessiyası başa çatıb. Sessiya zamanı 20 azərbaycanlı hüquqşünas və hüquq müdafiəçisi Avropa İnsan Hüquqları Konvensiyası (AİHK) və Avropa Sosial Xartiyasının (ASX) yerli səviyyədə həyata keçirilməsi sahəsində bilik və bacarıqlarını artırmaq imkanları əldə ediblər.
Fervralın 24-də layihə iştirakçıalrına sertifikatlar verilib.
“Bu proqram vəkillərin və hüquq müdafiəçilərinin bacarıqlarının artırılması ilə bağlı həyata keçirilən layihə çərçivəsində ən əhəmiyyətli proqramlardan biridir. İnanıram ki, bu təlim proqramında iştirak edən vəkillər və hüquq müdafiəçiləri paylaşılan bilik və məlumatlardan əhəmiyyətli dərəcədə yararlanıblar və bu bilik və məlumatları digər həmkarları ilə paylaşacaqlar”, - Avropa Şurasının Azərbaycandakı ofisinin rəhbər vəzifəsini icra edən Teymur Məlikaslanov bildirib.
Azərbaycanın Ədliyyə Akademiyası bu layihə üzrə əsas yerli partnyor təşkilatdır.
Ədliyyə Akademiyasının rektoru vəzifəsini icra edən Elçin Xələfov ümidvar olduğunu bildirib ki, bu təlim proqramı çərçivəsində təlimçi vəkillər hazırlanıb və həmin vəkillər də öz növbəsində Ədliyyə Akademiyasında Avropa Konvensiyasının tədrisinə öz töfhələrini verəcəklər.
Qeyd edək ki, sözügedən layihə regional xarakter daşıyır və 2013-2015-ci illərdə Azərbaycan, Ermənistan, Moldova, Gürcüstan, Rusiya və Ukraynada həyata keçirilir.—06C—
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz