Avropadakı siyasi mühacirlər Azərbaycanda siyasi məhbuslara dəstək kampaniyasına başlayıblar
Bakı/19.07.19/Turan: Azərbaycanlı siyasi mühacirlərin "Demokratik Azərbaycanı Seç" (DAS) təşkilatının fəalları ötən gün Almaniyanın Essen şəhərində AFR-in üç aparıcı KİV-nin (NRZ Neue Ruhr/Neue Rhein Zeitung, WAZ Westdeutsche Allgemeine Zeitung və UZ Unsere Zeit ) qarşısında Azərbaycanda siyasi məhbusları dəstəkləyən aksiya keçiriblər.
Aksiya iştirakçılarından biri, fəal Elşən Abdullayev Turan-a bildirib ki, aksiyanın orada keçirilməsi onunla əlaqədardır ki, media demokratiyanın inkişafı, insan hüquq və azadlıqlarının təmin olunması, vətəndaş problemlərinin işiqlandırılıb həll olunması baxımından əvəzsiz bir institutdur.
Təşkilatçıların məqsədi Almaniya cəmiyyətinin, KİV-in diqqətini Azərbaycanda insan hüquqlarının pozulmasına, ölkədə 110 siyasi məhbusun olmasına yönəltməkdir.
Siyasi məhbusların sayına görə Azərbaycan dünyada liderlərdən biridir.
Bundan əlavə, dünya Media Azadlığı İndeksində Azərbaycan 180 ölkə arasında 166-cı yeri tutur.
Beynəlxalq Şəffaflıq Təşkilatının Korrupsiya Qavrama İndeksinə görə isə yenə 180 ölkə arasında 152-ci yerdədir.
Həmrəylik aksiyasında digər DAS üzvləri Emin Manafov, Azər Əliyev, Emin Şirəliyev, Mirməhəmməd Hüseynov, Ceyhun Əlizadə, Alış Abdullayev, Məmməd Qarayev, Qaçay Piriyev və digərləri çixiş ediblər.
DAS "Almaniyalı jurnalistlərdən siyasi məhbuslara dəstək" kampaniyasına başlayıb.
Kampaniya çərçivəsində KİV-in diqqəti Azərbaycanda insan hüquqlarının pozulmasına, o cümlədən həbsdə olan jurnalistlərin işlərinə yönəldiləcək.-06D-
-
- Din
- 19 İyul 2019 12:54
-
- İqtisadiyyat
- 19 İyul 2019 13:08
Cəmiyyət
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
-
Qəmər adaları vətəndaşı Məhəmməd Əhməd və Azərbaycan vətəndaşı Pərviz Quliyev Azərbaycanda "Qırmızı kitab"a düşən şahinləri ovladıqlarına görə saxlanılıblar.
-
Oktyabrın 25-də Bakıda və Abşeronda hava dəyişkən olacaq. Gün ərzində Abşeronun bəzi yerlərində yağış yağa bilər. Şimal-qərb küləyi əsəcək.
-
Oktyabrın 21-22-si Bakıda yağış bir sıra problemlərlə yanaşı, insan faciəsinə də yol açdı. Sabunçu rayonu ərazisində subasmaya məruz qalmış tuneldə iki şəxs həyatını itirdi. Halbuki Bakıda seldən ölüm halları yaxın tarixdə baş verməmişdi.
Rəy yaz