Bakı/06.06.22/Turan: İyunun 5-də Şəkidə baş vermiş avtobus qəzası ilə əlaqədar mərkəzi rayon xəstəxanasına 11 zərərçəkmiş gətirilib. Onlardan onu ilkin yardım göstərildikdən sonra evə göndərilib.
Xəstəxanada 16 yaşlı yeniyetmə qız qalıb, ona ikinci bel fəqərəsinin sınığı diaqnozu qoyulub, bu barədə Turan-a müalicə müəssisəsindən bildiriblər.
O, cərrahiyyə şöbəsinə yerləşdirilib və ona zəruri tibbi yardım göstərilir.
Gəncə-Daşkəsən Regional Təhsil İdarəsinin verdiyi məlumata görə, avtobusda Samux şəhər 3 saylı məktəbinin 16 şagirdi və 4 müəllimi var idi. 06B
* * *
2022 İyun 05 (Bazar) 20:34:24
Şəkidə məktəblilərin olduğu avtobus aşıb
Bakı/05.06.22/Turan: Azərbaycanın Şəki rayonunda əksəriyyəti məktəblilərdən ibarət yerli turistlərin olduğu avtobus aşıb.
Bazar günü saat 16.30 radələrində Şəki rayonu ərazisindəki istirahət mərkəzlərindən birinə gedən "ISUZU" markalı avtobus nasazlıq nəticəsində yoldan çıxaraq aşıb. Bu barədə bazar günü axşam DIN məlumat yayıb.
Təcili olaraq hadisə yerinə gələn polis, FHN işçıləri və təcili tibbi yardım briqadaları sərnişinlərin avtobusdan çıxararaq, xəsarət alanların xəstəxanaya yerləşdirilməsini təmin ediblər.
Daxili İşlər Nazirliyindən bildirilib ki, faktla bağlı Şəki Rayon Polis Şöbəsinin İstintaq Şöbəsində araşdırma aparılır.
Turanın bölgə müxbirinin verdiyi məlumata görə, avtobus Azərbaycanın Samux rayonundan məktəbliləri aparırmış.
Hadisə «Mustafa bə» istirahət mərkəzinə gedən dağ yolunda baş verib.
Avtobusda sürücüdən başqa 16-sı uşaq, 2-si valideyn və 4-ü müəllim olmaqla 23 nəfər olub.
Öz növbəsində TƏBİB-вэт bildirilib ki, qəza nəticəsində 11 nəfər zərərçəkən Şəki Mərkəzi Rayon Xəstəxanasına çatdırılıb.
Axşam saatlarında on nəfərə lazımi ilkin tibbi yardım göstərildikdən sonra evə buraxılıb.
İkinci bel fəqərəsinin sınığı diaqnozu qoyulan digər zərərçəkmiş isə xəstəxanada qalır və ona lazımi müalicə göstərilir.—06C-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz