Azərbaycana öz avtomobilində gələn xarici vətəndaşlar üçün depozit praktikası ləğv edilə bilər. Bunu cümə axşamı mədəniyyət və turizm naziri Əbülfəz Qarayev Bakıda keçiriləcək şopinq-festivala həsr olunan mətbuat konfransında bildirib.
“Azərbaycana öz avtomobilində gələn xarici vətəndaşlar hər hansı depozit olmadan qeydiyyatdan keçəcəklər. Yaxın vaxtlarda bu məsələ həll ediləcək”, - o vurğulayıb.
Nazir əlavə edib ki, Turizm Şurasının iclasında işçi qrupun yaradılması qərara alınıb. Qrup digər məsələlərlə yanaşı bu məsələ ilə də məşğul olacaq.
Xatırladaq ki, Azərbaycan 2015-ci il avqustun 15-dən Avro-4 standartı sertifikatı olmayan avtomobillərə depozit qaydaları tətbiq edir.
Belə avtomobillərdə ölkəyə bir şərtlə gəlmək olar ki, sürücü nəqliyyat vasitəsinin dəyərinin 40%-dək zəmanət məbləği ödəsin. Azərbaycandan çıxarkən bu pul geri qaytarılır. –71D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz