Açiq mənbələrdən foto.
Bakı/17.08.20/Turan: 14-15 iyul "Qarabağ aksiyası"ndan sonra həbs edilmiş AXCP üzvü İsmayıl Həsənov aclıq elan edib. O, iyulun 19-da saxlanılıb. Ona qarşı Cinayət Məcəlləsinin 186.2.1-ci (zərərçəkmiş şəxsə külli miqdarda ziyan vurmaqla əmlakı qəsdən məhv etmə və ya zədələmə), 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham elan edilib. İyulun 21-də məhkəmə onun barəsində 3 ay həbs qətimkan tədbiri seçib.
AXCP-dən Turan-a verilən məlumata görə, Həsənov avqustun 16-dan aclıq aksiyasına başlayıb və bu barədə saxlandığı Bakı İstintaq Təcridxanasının rəhbərliyinə yazılı xəbərdarlıq edib.
"Aksiyanın səbəbi Həsənovun haqsız istintaqa cəlb olunması, barəsində həbs-qətimkan tədbiri seçilməsi və ailəsilə telefon əlaqəsinə imkan verilməməsidir", deyə AXCP-dən bildiriblər.
Penitensiar Xidmətdən şərh almaq mümkün olmayıb. -21B06-
Cəmiyyət
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
-
Səhiyyə Nazirliyinin yüksək vəzifəli əməkdaşları həbs edilib, qanunsuz plastik cərrahiyyə əməliyyatlarının aparılması üçün saxta sertifikatlar təqdim etməkdə şübhəli bilinən altı nəfər saxlanılıb. Mətbuat məlumatlarına görə, saxta sertifikatlarla bağlı qalmaqallı yazılarda adı çəkilən Kadrlar, Elm və Təhsil Şöbəsinin müdiri Səidə Rüstəmova bu gün saxlanılıb. Araşdırma yazılarında adı keçən digər şəxslərin də, o cümlədən Səhiyyə nazirinin müavini İlqar Qasımovun həbs olunmuş ola biləcəyi bildirilib.
-
Dekabrın 25-də paytaxtda və Abşeron yarımadasında hava tutqun, yağıntısız olacaq. Şimal-qərb küləyi əsəcək. Nisbi rütubət 70-80% təşkil edəcək. Havanın temperaturu gecə 4-6, gündüz 8-11 dərəcə təşkil edəcək.
Rəy yaz