![AXCP fəalı yenidən saxlanılıb](https://turan.az/resized/750/500/resize/media/2016/main/051600156084.jpg)
AXCP fəalı yenidən saxlanılıb
Xəzər rayon sakini, Xalq Cəbhəsi Partiyasının fəallarından Azər Kərimov bu gün naməlum istiqamətə aparılıb. Bu haqda Turan-a AXCP sədrinin müavini Gözəl Bayramlı bildirib. Onun sözlərinə görə, A.Kərimovu kimlərin və hara aparması məlum deyil. Məlum olan budur ki, dostlarından birinə mesaj verib ki, onu naməlum istiqamətə aparırlar.
Xatırladaq ki, A.Kərimov bir neçə gün öncə də saxlanılmışdı. Onun saxlanmasına səbəb Xəzər rayon 1 saylı polis bölməsinin həyətındə ölən Zaur Sultanovla bağlı sosial şəbəkədə paylaşdığı status olub. Belə ki, həmin statusda A.Kərimov Z.Sultanovun işgəncə nəticəsində ölməsi barədə yazdığına və polislərə “Ramil Usubovun qoçuları” ifadəsini işlətdiyinə görə saxlanılıb.
1 saylı polis bölməsində ondan izahat alınıb. Bundan əlavə, polislər A.Kərimovdan statusunda naziri təhqir etdiyi üçün onu pozmağı tələb ediblər. A.Kərimov hər hansı təhqirə yol vermədiyini və statusu səhifəsindən pozmayacağını bildirib. Bu gün isə A.Kərimov təkrar saxlanılıb.
Z.Sultanovun polis bölməsində ölməsinə gəlincə, o, ifadə vermək üçün 1 saylı polis bölməsinə çağırılıb. Rəsmi versiyaya görə, o, öz növbəsini gözləyib. Qəfildən halı pisləşib və polis bölməsinin həyətində ölüb.
DİN-in açıqlamasında deyilir ki, Z.Sultanov ürək çatışmazlığındən əziyyət çəkib. Amma Z.Sultanovun ailəsi onun işgəncələrdən öldüyünü bildirib. -05B-
-
- İqtisadiyyat
- 16 May 2016 13:43
-
- Siyasət
- 16 May 2016 14:21
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz