![Azərbaycanın AİHM-də yeni hakimi kim olacaq?](https://turan.az/resized/750/500/resize/media/2016/main/051600156088.jpg)
Azərbaycanın AİHM-də yeni hakimi kim olacaq?
Avropa İnsan Hüquqları Məhkəməsinin (AİHM) Azərbaycandan yeni hakimi Konstitusiya Məhkəməsinin üzvü 45 yaşlı Rövşən İsmayılov ola bilər. Onun namizədliyi Strasburqa təqdim edilib. Bu barədə Turan-a Avropa Şurasındakı məlumatlı mənbə bildirib.
Azərbaycandan AİHM-ə hakim seçkisi iyunda AŞPA-nın yay sessiyasında olacaq. Yeni seçkilər hazırki hakim Xanlar Hacıyevin iki dəfə səlahiyyət müddətinin başa çatması ilə əlaqədar keçirilir.
AŞPA deputatları Azərbaycanın təqdim etdiyi üç namizəddən birini seçməlidir.
Çox güman ki, R.İsmayılovun namizədliyi dəstəklənəcək. Belə ki, onun Avropa Şurasının GRECO (korrupsiyaya qarşı mübarizə komitəsi), rasizm və dözümsüzlüyə qarşı mübarizə komissiyası, və MONEYVAl (çirkli pulların yuyulmasının qarşısının alınması üzrə ekspert qrupu) kimi qurumlarında iş təcrübəsi var.
Azərbaycanda R.İsmayılov hüquq nəzəriyyəsi üzrə mütəxəssis kimi tanınır. Eyni zamanda o, heç zaman hüquq-mühafizə orqanlarında və ümumi məhkəmələrdə çalışmayıb. Konstitusiya Məhkəməsinə elmi-təhsil sahəsindən (BDU Konstitusiya hüququ kafedrası) gəlib.
Qeyd edək ki, ötən ilin oktyabrında AŞPA Azərbaycanın təqdim etdiyi üç namizəddən – Prezident Administrasiyası insan hüquqları sektorunun müdiri, Azərbaycanın Avropa məhkəməsində daimi nümayəndəsi Çingiz Əsgərov, Bakı Apellyasiya Məhkəməsinin hakimi Aygün Abdullayeva və 1 saylı İqtisad Məhkəməsinin hakimi Vüsalə Baxışovanın namizədliyini dəstəkləməyib.–B06--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz