Баку/06.03.20/Turan: Ötən gün Bakı şəhəri Nərimanov Rayon Məhkəməsində Vüsal Qurbanovun sədrliyi ilə Azərbaycan Xalq Cəbhəsi Partiyası (AXCP) Nizami rayon təşkilatının sədri Paşa Umudovun işi üzrə hazırlıq iclası keçirilib.
Mahiyyəti üzrə dinləmələr martın 16-na təyin edilib.
P.Umudov oktyabrın 16-da - Demokratik Qüvvələrin Milli Şurasının mitinqindən üç gün əvvəl həbs edilib. Ona qarşı CM-in 234.2-ci maddəsi (satış məqsədilə narkotik vasitələrin qanunsuz əldə edilməsi və saxlanması) ilə ittiham irəli sürülüb. Günahı təsdiqlənərsə, 7 ilədək azadlıqdan məhrumetmə cəzası gözləyir.
İclas zamanı vəkil Zibeydə Sadıqova diqqəti ona yönəldib ki, P.Umudov oktyabrın 16-na qədər inzibati həbsə məruz qalıb. O zaman ona xəbərdarlıq edilib ki, əgər siyasi fəaliyyətini dayandırmasa, növbəti dəfə cinayət məsuliyyətinə cəlb ediləcək.
Vəkil qeyd edib ki, P.Umudovun özünün və həyat yoldaşının səhhətində problemlər var. Müdafiə tərəfinin 8 vəsatətinə baxmayaraq, barəsində qətimkan tədbiri dəyişdirilməyib.
O, etirafedici ifadəni təzyiq altında verib.
“Paşa Umudovun sözlərinə görə, DİN Baş Mütəşəkkil Cinayətkarlıqla Mübarizə İdarəsində alçaldıcı rəftara məruz qalıb. Onu aaatlarla üzü divara tərəf dayanmağa məcbur edərək beysbol ağacı ilə vuracaqları ilə hədələyiblər.
Onun etirafını 7 dəfə videoya çəkiblər, tələb ediblər ki, AXCP lideri Əli Kərimlinin sürücüsü olduğunu vurğulasın. Bu etiraflar beynəlxalq hesabatlarda “qorxu yuvası” adlandırılan idarədə alınıb”, - vəkil deyib.
P.Umudov ittihamları rədd edərək siyasi fəaliyyətinə və Ə.Kərimlinin sürücüsü işlədiyinə görə təqib olunduğunu bildirib. Hüquq müdafiəçiləri P.Umudovu siyasi məhbus kimi tanıyıblar. —06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz