Bakı/10.05.18/Turan: Mayın 8-də Yasamal Rayon Məhkəməsi AXCP fəalı Orxan Baxışlının barəsində 4 ay müddətinə həbs qətimkan tədbiri seçib.
Ona qarşı CM-in 234.4.3 maddəsi (külli miqdarda qanunsuz narkotik maddə satışı) ilə ittiham irəli sürülüb. Həmin ittiham üzrə onu 5 ildən 12 ilədək həbs cəzası gözləyir. Bu barədə Turan-a AXCP mətbuat xidmətindən bildiriblər.
AXCP lideri Əli Kərimli hesab edir ki, gənc yalan ittiham əsəsında siyasi motivlərlə təqib olunur.
Ə.Kərimlinin fikrincə, O.Baxışlı mayın 3-də Ümumdünya Mətbuat Azadlığı Günü ilə bağlı jurnalist Elmar Hüseynovun məzarının önündəki çıxışına görə həbs olunub.
Ə.Kərimli xatırladıb ki, O.Baxışlı jurnalistin ölümündə indiki hakimiyyəti ittiham edib.
O.Baxışlı mayın 7-də Milli Elmlər Akademiyasının bağında mülki şəxslər tərəfindən saxlanılıb.
Xatırladaq ki, o, müxalifətin 31 mart mitinqi zamanı da saxlanmışdı və 30 sutka inzibatı həbs cəzası almışdı.-06B--
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz