AXCP sədr müavininə qarşı yeni ittiham irəli sürülüb

AXCP sədr müavini Fuad Qəhrəmanlının işi üzrə ibtidai istintaq yekunlaşmaq üzrədir, lakin ona qarşı 220.2-ci (kütləvi iğtişaşlara çağırış) maddə ilə yeni ittiham irəli sürülüb, bu barədə Turan-a onun vəkili Nemət Kərimli bildirib.

Buna qədər o, dövlət hakimiyyətinə qarşı çağırışlarda (mad. 281) və dinlərarası ayrı-seçkilik salmaqda (mad. 283) ittiham olunurdu.

Qəhrəmanlı 2015-ci ilin dekabrında 26 noyabr Nardaran hadisəlri ilə əlaqədar həbs olunub. Həmin vaxt xüsusi əməliyyat zamanı “Müsəlman Birliyi” hərəkatının lideri Taleh Bağırzadə və onun bir qrup tərəfdarı saxlanılıb. Polislə qarşıdurma zamanı ikisi polis olmaqla, 6 nəfər həlak olub.

Bundan sonra hakimiyyət Bağırzadənin onlarla tərəfdarını saxlayıb. Sonradan onlar Qəhrəmanlını iğtişaşlarda əli olmaqda ittiham ediblər. Buna səbəb kimi AXCP sədr müavininin sosial şəbəkələrdə Nardaranlılara öz hüquqlarını müdafiə etmək çağırışı yer alan nəşrləri göstərilib.

Beynəlxalq təşkilatlar və yerli müşahidəçilər ittihamları uydurma və siyasi motivli hesab edir. -06В-