Açiq mənbələrdən foto.
Bakı/08.10.20/Turan: Oktyabrın 7-də vəfat edən Azərbaycan Xalq Cəbhəsi Partiyasının (AXCP) sədr müavini Gözəl Bayramlının dəfn mərasimində iştirak edən AXCP və Milli Şuranın bir neçə fəalı saxlanılıb. Bu barədə AXCP məlumat yayıb.
“Saxlanılanlar arasında Milli Şuranın Koordinasiya Mərkəzinin üzvü Vidadi Mirkamal, jurmalist Fatimə Mövlamlı da var. AXCP sədrinin müavini Seymur Həzi də saxlanılıb, bir qədər sonra sərbəst buraxılıb”, deyə hazırda dəfn mərasimində iştirak edən AXCP funksioneri Turan-a bildirib. Rəsmi qurumlar hələ bu məlumata münasibət bildirməyib.
Azərbaycan Xalq Cəbhəsi Partiyasının sədr müavini Gözəl Bayramlı oktyabrın 7-də uzun sürən xəstəlikdən sonra vəfat edib. Gözəl Bayramlı Azərvaycan Milli Azadlıq Hərəkatının fəallarından idi. O, keçmiş siyasi məhbus olub.
2017-ci il mayın 25-də Gürcüstandan Azərbaycana qayıdarkən Dövlət Sərhəd Xidmətinin əməkdaşları Gözəl Bayramlını saxlamışdı. Onun barəsində qaçaqmalçılıq maddəsi ilə cinayət işi başlanmış və haqqında həbs qətimkan tədbiri seçilmişdi. 2018-ci il yanvarın 23-də Qazax Rayon Məhkəməsinin hökmü ilə o, 3 il azadlıqdan məhrum edilmişdi. 2019-cu ilin martında Gözəl Bayramlı əfv sərəncamı ilə azadlığa buraxılmışdı. -0-
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz