Bakı/20.10.17/Turan: Şirvan Apellyasiya Məhkəməsi iki yerli müxalifətçi - Əlifaiq Abdullayev və Eldəniz Səmədovun inzibati həbsləri ilə bağlı şikayətlərini təmin etməyib.
Onlar Şirvan şəhərində saxlanılıbla. Oktyabrın 9-da yerli məhkəmə Abdullayev barəsində 15 günlük inzibati həbs qərarı çıxarıb, oktyabrın 10-da Səmədov 10 günlük həbs edilib. Hər ikisi İnzibati Xətalar Məcəlləsinin 535.1-ci (polis əməkdaşlarının qanuni tələblərinə əməl etməmə) maddəsi ilə təqsirli bilinib.
Oktyabrın 19-da Şirvan Apellyasiya Məhkəməsi hər iki fəalın şikayətini təmin etməyib, bu barədə Turan-a onların vəkili Yalçın İmanov bildirib.
Təhqiqat tamamilə formal idi, deyə vəkil qeyd edib.
Protokollardan fəalların nə təqsirinin olduğu, polisin hansı tələblərini yerinə yetirmədikləri aydın deyil, deyə vəkil bildirib.
Fəallar özləri oktyabrın 7-də Bakıda müxalifətin mitinqində iştirak etdiklərinə görə saxlanıldıqlarını bildiriblər.
"İnzibati işlər üzrə ən yüksək məhkəmə instansiyası Apellyasiya Məhkəməsi olduğuna görə müdafiə tərəfi bu qurumda fəalların hüquqlarının pozulduğunun təsdiq olunmasına və hökumətdən mənəvi ziyana görə təzminat almağa nail olmaq üçün Avropa İnsan Hüquqları Məhkəməsinə şikayət hazırlayacaq", deyə vəkil bildirib. -06D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz