Parlamentin hüquq siyasəti və dövlət quruculuğu məsələləri komitəsi cümə axşamı Cinayət-Prosessual Məcəlləyə hüquq-mühafizə orqanlarının hal şahidləri olmadan axtarış və müsadirə həyata keçirməsinə imkan verən düzəlişlər layihəsini təsdiq edib.
Parlamentdəki mənbənin Turan-a verdiyi məlumata görə, xüsusən CPM-in 236.4 və 244.1-ci maddələrə düzəlişlər bundan sonra prosesin video çəkilişi aparılırsa, hüquq-mühafizə orqanları əməkdaşlarının hal şahidləri olmadan da axtarış və müsadirə həyata keçirə biləcəyini nəzərdə tutur.
Qeyd edək ki, son illər hal şahidləri kimi gizlincə polis və ya digər hüquq-mühafizə orqanları ilə əməkdaşlıq edən şəxslərdən istifadə olunur. Belə hallar xüsusən gənc fəalların işlərində olub. Vəkillər eyni şəxslərin eyni zamanda bir neçə işdə hal şahidi kimi iştirak etdiyinə dəlillər göstərib ki, bu da araşdırma prosesininin özünü şübhə altına qoyur. -06D-
Cəmiyyət
-
Oktyabrın 12-də paytaxtın bəzi yerlərində yağış yağacaq, Abşeron yarımadasında intensiv olacaq, xəbəri Milli Hidrometeorologiya Xidmətinin sinoptikləri yayıb.
-
TƏBİB-dən Turana bildirilib ki, oktyabrın 10-u saat 19:00-dan başlayaraq Qazax Rayon Mərkəzi Xəstəxanasına ümumilikdə 18 nəfər zəhərlənmə şübhəsilə müraciət edib. Onların hər birinə zəruri tibbi xidmətlər göstərilib. 16 nəfər ambulator müalicə üçün evə buraxılıb, hazırda 2 nəfərin müalicəsi Təcili tibbi yardım bölməsində davam etdirilir, vəziyyətləri orta ağır olaraq qiymətləndirilir.
-
İnnovasiya və sürət lideri “Bakcell”in tərəfdaşı olduğu “INMerge” İnnovasiya Sammiti uğurla davam edir. Tədbirin ilk günündə “Bakcell”in baş icraçı direktoru Klaus Müller "Aparıcı telekom şirkətlərinin uğurlu strategiyaları" adlı panel müzakirəsinə qatılıb.
-
Oktyabrın 10-da Ağır Cinayətlər Məhkəməsində Əhməd Əhmədovun barəsində hökm oxunub. O, ailəsinin beş üzvünü öldürməkdə təqsirli bilinir.
Rəy yaz