Daşkəsən dağ-mədən kombinatının investisiya tələbatı 600 milyon manatdır
Əmlak Məsələləri Dövlət Komitəsi Daşkəsən dağ-mədən kombinatının bazasında yaradılan “Daskəsən Filizsaflasdırma” ASC-nin səhmlərinin 99,22%-nin (527 447 ədəd) satışı üzrə investisiya müsabiqəsi elan edib.
İddiaçılar investisiya proqramını təqdim etməlidir. Proqram dəmir filizi konsentratından tutmuş son məhsul istehsalına kimi (ikitavr, künclük, şveller, polad pəstah və s.) prosesi əhatə etməlidir.
İnvestisiyanın həcmi 600 mln. manatdan az olmamalı və 3 il müddətində qoyulmalıdır. İnvestor ən azı 1000 yeni iş yeri açmalıdır.
Müəssisənin özəlləşdirilməsinə iddia edənlər dövlət büdcəsinə ən azı 110 mln. manatın köçürülməsi üzrə təkliflərini təqdim etməlidir. Öz niyyətinin ciddi olduğunu təsdiqləmək üçün iddiaçılar ƏMDK və AMB-də depozit hesabına 10 mln. manat köçürməlidir.
Müsabiqənin şərtlərinə görə, qalib ümumi məbləği 652 min manat həcmində əməkhaqqı borcunu ödəməlidir, dövlət büdcəsinə 4 mln. 555,5 min manat və DSMF-ə 2 mln. 32,8 min manat köçürməlidir. ƏMDK-nin SC-nin özəlləşdirilməsi üzrə məsləhətçisi investordan 160 min manat alacaq.
İnvestisya təkliflərinin qiymətləndirilməsi dekabrın 20-nə təyin edilib.
Müəssisənin səhmlərinin 0,78%-i əmək kollektivinin üzvlərinə məxsusdur. SC-nin nizamnamə kapitalı 1 mln. 63,1 min manat təşkil edir.
Müəssisə 1954-cü ildən fəaliyyət göstərir. Müəssisədə 316 nəfər çalışır.
Noyabrın 1-i üçün “Daskəsən Filizsaflasdırma” ASC-nin öhdəlikləri 16,6 mln. manat, debitor borcları 3,5 mln. manat təşkil edir. --08D--
-
- Cəmiyyət
- 17 Noyabr 2016 12:50
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz