Açiq mənbələrdən foto.
Azad edilmiş ərazilərdə son həftə 82 piyada əleyhinə, 5 tank əleyhinə mina zərərsizləşdirilib
Bakı/17.05.21/Turan: Azərbaycan Respublikası Ərazilərinin Minalardan Təmizlənməsi üzrə Milli Agentlik işğaldan azad olunmuş ərazilərdə icra olunan əməliyyatlar barədə həftəlik məlumatı təqdim edib.
Mayın 10-dan 16-dək Tərtər, Ağdam, Füzuli, Şuşa, Qubadlı, Cəbrayıl və Zəngilanda aparılmış əməliyyat-axtarış tədbirləri zamanı piyada əleyhinə 82, tank əleyhinə 5 mina və 24 partlamamış hərbi sursat aşkarlanaraq zərərsizləşdirilib.
Məlumata görə, son həftə ərzində 139,5 hektardan çox ərazi mina və partlamamış hərbi sursatdan təmizlənib.
Ekspertlərin fikrincə, Azərbaycanın işğaldan azad edilmiş ərazilərdə yüz mindən çox mina var.
Bu il aprelin 30-da Azərbaycanın xarici işlər naziri Ceyhun Bayramov bildirib ki, 2020-ci il 10 noyabrdan aprelin 30-dək mina partlayışı nəticəsində 22 nəfər həlak olub, 100 nəfər yaralanıb.
Rəsmi statistikaya görə, 2020-ci il də daxil olmaqla, Azərbaycanda 2439 nəfər müharibənin təhlükəli partlayıcı qalıqlarından zərər çəkib, onlardan 383 nəfər ölüb və 2056 nəfər yaralanıb.-03-
Cəmiyyət
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
Rəy yaz