Londonun məşhur Wiley nəşriyyatında 2018-ci ilin dekabr ayında Britaniyalı iqtisadçı, beynəlxalq münasibətlər və neyroelm üzrə mütəxəssis, qlobal jurnalist və İslam incəsənəti üzrə dünyanın ən böyük sənət muzey kolleksiyası olan məşhur Khalili Collections"in (Xəlili Kolleksiyalarının) bədii rəhbəri Waqās Ahmedin "The Polymath. Unlocking the Power of Human Versatility" ("Çoxbilgin. İnsan hərtərəfliyinin gücünü üzə çıxarmaq") kitabı işıq üzü görmüşdür. Kitab çoxbilginlik fenomeninə həsr olunmuşdur. Çoxbilgin"in (polimat"ın) qısa təsviri belədir: "Bir-biri ilə bağlı olmayan çox müxtəlif sahələrdə yaradıcı fəaliyyət göstərən çoxyönlü insan".
Kitab tarix boyu mövcud olmuş çoxbilginlər haqqında məlumat verməklə yanaşı çoxbilginliyin nəzəri əsaslarını vermişdir. Çoxbilginlik fenomeni elm adamları, filosof və psixoloqlar tərəfindən müzakirə olunub maraqlı tədqiqat mövzusu olsa da, bu kitab çoxbilginlik haqqında ilk monoqrafik əsərdir. Bu kitabda çağdaş dövrün, 20-21-ci əsrlərin azsaylı məşhur çoxbilginləri sırasında Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı da təqdim olunmuşdur. Kitabda Hamlet İsaxanlının çoxbilgin kimi fəaliyyəti ayrıca təhlil olunmuş, onun əsər və fikirlərindən çoxsaylı alıntılar edilmişdir.
Digər tərəfdən, beynəlxalq "Stackexchange" saytı da professor Hamlet İsaxanlının adını 20-ci əsrdə dünyanın məşhur "Çoxbilgin"ləri ("Polymath") sırasına daxil etmiş, onu qısaca belə təqdim etmişdir:
Hamlet Isakhanli (born 1948) is a professor of mathematical-physical sciences, mathematician, poet, social scientist, scholar of history of education, literature and culture, founder of university, founder and co-founder of various organizations, entrepreneur, writer, translator (Hamlet İsaxanlı, 1948 doğumlu, riyaziyyat-fizika elmləri üzrə professor, riyaziyyatçı, şair, sosial elmlər, təhsil, ədəbiyyat və mədəniyyət tarixi üzrə mütəxəssis-alim, universitet təsisçisi, müxtəlif təşkilatların təsisçisi bə həmtəsisçisi, sərbəst təşəbbüs sahibi, yazıçı, tərcüməçi).
Qeyd edək ki, Stack Exchange elm tarixi və riyaziyyat sahəsində çox aktiv müzakirələrin aparıldığı, çox məşhurların da yazdığı, fəal iştirak etdiyi bir saytdır. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz