Açiq mənbələrdən foto.
Bakı/19.07.23/Turan: Azərbaycan artıq selektiv abortlara görə liderlər arasında deyil, bu barədə Ailə, Qadın və Uşaq problemləri üzrə Dövlət Komitəsinin sədri Bahar Muradova qurumun yaradılmasının 6-cı ildönümünə həsr olunmuş bugünki mətbuat konfransında bildirib.
Onun sözlərinə görə, bu problemin aradan qaldırılması üçün gənc ailələrlə danışıqlar aparılır.
Komitə sədrinin sözlərinə görə, bu istiqamətdə qanun layihəsi Milli Məclisinin gündəliyindədir: "Hazırda isə aidiyyəti qurumlar bu məsələni ciddi nəzarətdə saxlayır, təhlillər aparılır və nəticələri müzakirə edirlər".
Məişət zorakılığa gəlincə, komitə sədri qeyd edib ki, daxil olan ümumi müraciətlərin sayı 146-dır. Onlardan 34-ü kişi, 112-si isə qadın tərəfindən edilib.
Dövlət Komitəsinə müraciətlərin ümumi sayı ötən ilin birinci yarısı ilə müqayisədə 10 faiz artıb.
Müraciətlərin 350-si məhkəmə qərarlarının icrası, 225-i məişət zorakılığı, 129-u işlə təmin olunma, 123-ü müxtəlif yönümlü sosial müavinətlərin, yardımların, təqaüdlərin alınması, 91-i müayinə və müalicə olunmaqda köməklik göstərilməsi ilə bağlı olub. 06В
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz